《25+英皇群星演唱会》今晚（3日）在启德主场馆举行，是日阵容为容祖儿、古巨基、李克勤、张敬轩、陈慧娴、Twins、陈伟霆、李幸倪、关智斌、曾比特等，约晚上9时45，张敬轩隆重登场。早前他突然狂删IG followers惹来粉丝担忧，但他今日状态大勇，出场时掌声如雷。

张敬轩唱《Deadline》及《酷爱》

他先唱出《Deadline》及《酷爱》等高难度歌曲，全程游刃有余，之后跟观众打招呼，再表示：“好开心可以今晚嚟到呢一个咁靓嘅香港启德体育园嘅主场馆，喺呢一度庆祝我哋英皇娱乐嘅25周年嘅生日，多谢大家一齐嚟呢个生日Party！thank you！时间过得好快，一眨眼我已经入咗英皇娱乐13年嘅年头，好开心可以喺呢间公司有好多好爱锡我嘅兄弟姊妹，好多好好嘅同事，最紧要系有一班好锡我嘅歌迷。”

张敬轩《樱花树下》四万人大合唱

张敬轩续说：“呢一个大家庭，俾咗好多资源我做咗好多人生好有里程碑意义嘅演唱会，希望今日喺呢一度，用我自己嘅身份去同大家庭讲声生日快乐！以下我会唱几首我嘅代表作俾大家听，我人生第一次喺香港四万人嘅场馆去唱歌，所以好希望今晚可以听到某一啲歌嘅四万人合唱！”然后他紧接献唱《骚灵情歌》、《青春告别式》，唱到《只是太爱你》时，全场观众和唱，场面感动；最后的《樱花树下》无人不晓，自然成为高潮位，变成四万人大合唱环节！唱到最后一句“明日花昨日已开”前，他更跪了下来，并向歌迷飞吻。