庄思敏日前（5月7日）深夜在Threads上开post，写道：“唔讲草同大麻，你仲有冇嘢同我讲？”简单一句变成流量密码引来37万次浏览。网民纷纷留言，有赞有弹，有人说：“觉得你EQ高，几靓女”，也有不少人旧事重提，提及隆胸、JPEX事件、炒的士牌、寸人着旧鞋等等，严如成为一个公审现场，十分精彩！

深夜开po撩网民大战

翌日（5月8日）庄思敏出席“甄泽权红馆魔术骚”记者会，会后接受《香港01》访问时，大方表示没有为被网民围闹而感到不开心，反而觉得做艺人就是要提供娱乐给大家。“寻日收工返到酒店无聊冇嘢做，就开咗个咁嘅post，估唔到几十万人陪我一齐癫。有人会觉得见到唔好嘅留言会唔开心，但系我系睇晒所有留言，有创意嘅亦有攻击性，我觉得一笑置之，同埋本身呢个平台都系俾人抒发。”庄思敏雪山大晒“人造”丰满上围　45岁三点式浸浴震撼视觉

不介意被旧事重提

她又提到不介意被旧事重提：“我唔介意嘅，娱乐行业就系娱乐人㗎嘛。啲人会话见到人哋闹得咁开心，你会唔会唔开心，调返转，我会话见到你哋玩得咁开心，我又好开心㖞。（俾渠道大家抒发情绪）系呀，香港人好压力，唔好屈住屈住。”JPEX案｜警方再有行动据指林作被检控　庄思敏：我系受害者呀

《香港01》记者查看过有关帖文，发现有不少讲及隆胸、JPEX事件、炒的士牌。访问中，问到庄思敏为什么较少回复这些留言，她回答：“我有覆嘅，但系覆唔晒咁多个，讲真我身材亦唔系咩秘密啦，大家都知。（有人话你拆咗，但系你覆未拆）系呀，啲人误会我拆咗，可能系我瘦咗。”

留言拣嚟覆？好难答晒

“因为本身样嘢大家都知，譬如我做咗隆胸，JPEX事件啦，我系一个受害者，都讲过好多次。（仲有的士牌）的士牌我转咗手，赚钱嘅时候冇话你知之嘛，当然我有留言回复。因为买嘅时候好兴奋同人讲，放嘅时候未必。仲有就系人哋人生𠮶啲我唔答，但系我自己嘢基本上都会答，但系好难答晒。”

被问到会否将这个回答当成一个恒常活动时，她回答：“我觉得（流量）强系因为夜晚，大家都冇乜嘢做，临瞓前冇乜做，呢个睡前活动几好。（会唔会keep住？一个月一次？）可能唔止，post唔会好花时间，系覆留言嘅时候，可能真系要收工，瞓唔着，喺交通工具上面先覆到。”