高海宁今日（5月8日）出席“甄泽权红馆魔术骚”演唱会，原来是次活动她以赞助商身分出席。她接受《香港01》访问时表示，是次魔术骚购买了数十张门票，转交给基层家庭入场睇骚。

成立义工队“Team Samm” 带领粉丝回馈社会

为何有这个举动？原来背后原因十分感人。她坦言，早几年成立了义工队“Team Samm”，主要组织粉丝们与她一齐做义工，例如探访老人院，做做善事等，旨在透过自己微小力量，带领粉丝贡献社会。“成立咗都三、四年，主要系我带住fans去做有意义嘅事，譬如我比较关注情绪病方面，所以我会带佢哋去探访独居老人家，每年都请独居老人食饭，同佢哋倾吓偈，都组织过带基层家庭去主题公园玩，对上𠮶次请咗大埔居民食饭。”她透露，今次请基层家庭去睇魔术骚，也是自己出资的。高海宁低调做好事，果然是人美心善！

透露未来工作动向：有几个剧本睇紧

谈到近况，高海宁表示尚未入剧组，所以主要工作都是商务为主，即商场骚或品牌活动工作。“嚟紧会入。（可以透露系边套？）我谂等公司公布先，都系要等准确消息先可以讲，我自己仲有几个剧本睇紧。（几个㖞，做主角？）咁又唔系，有几个唔同种类剧本睇紧添，好开心好多谢。（上年睇过嘅剧集？）都有新嘅，亦都有内地剧集，都有舞台剧。（舞台剧都有？）系呀，我自己钟意试新嘢，同埋我觉得做人想尝试新嘢。今年有剧本递埋嚟，我都会想睇吓适唔适合去玩吓，或者学习一下。”她也透露自己想拍摄多些旅游节目睇世界。