魔术师甄泽权（Louis）将于6月25日于红磡体育馆举行首个个人魔术骚《“Once”甄泽权穿越红馆魔术之旅2026》，是次红馆为20多年来首位华人魔术师在红馆举办表演，相当有历史意义！

重现史上最危险魔术 大型装置运往红馆

甄泽权接受《香港01》访问时，透露魔术骚将会有大型魔术表演：“飞天循地装置，适合红馆规格嘅，陆陆续续运紧过嚟。”他又表示，是次表演将会重现有“史上最危险魔术”。“好耐都冇人做过，touch wood，应该系希望冇事。”高海宁荣升“剧后”？　透露有新方向：有几个剧本睇紧

圆梦之旅筹备多时 由“拖喼”到踏上红馆舞台

他又指为了这一次魔术骚构思用尽法宝，且构思了一段相当长时间。“今年年头开始知有呢个骚嘅时候已经开始度紧。我做魔术师𠮶时已经梦想喺红馆做，𠮶时唔知唔知点解。好似头先阿Bob咁讲，我攞住个喼嘅时候，已经知有一日要成队crew去红馆搞！”

阿Bob投资七位数支持 感触见证好友成长

林盛斌（Bob）作为是次甄泽权红馆魔术骚投资单位，他大爆公司投资了七位数字。阿Bob回忆道，从甄泽权一个人拖喼去酒楼时就已认识，看着他做电视节目再到今天能在红馆开骚，实在感触良多。

不计盈亏力挺兄弟 阿Bob：成就朋友梦想最值得

只开一场能回本？阿Bob说：“梗系望投资赚钱，个骚又叫座，但系而家见到有十几个赞助，你见到佢人缘好好，大家都好支持。最后希望持平成本，或者赚少少？都好感激。最尾如果真系揩少少，但系可以成就个朋友喺咁大型场地做演出，大家都觉得值得嘅。”

正面应对女儿遭嘲讽 分享锻炼信心教育观

早前林盛斌的女儿出席电影首映时，事后被网民嘲笑。林盛斌就抱正面态度，坦言：“佢哋有少少免疫咗，又唔觉系咩一回事，钟意讲咪讲啰：‘又影响唔到我快乐嘅生活。’我见到有啲人话，不如唔好畀佢哋去啦，首先我冇特别逼佢哋去，系有人邀请我，我唔得闲所以先问佢哋去唔去。系咪要保护，收埋佢哋？我又唔觉收埋佢系叫做保护嘅一种，我哋家庭教育系，如果想要个女成长，真正保护嘅系咩，系锻炼佢哋有多啲信心同勇气，同埋锻炼佢哋有多啲解决问题嘅能力。”林盛斌两爱女出席首映　惨被网民人身攻击：想发泄请将火力对准我