李泳汉和李泳豪兄弟决裂升级，泳汉多番指控孖生细佬泳豪在背后操控李家鼎（鼎爷），并私吞老父340万元财产！日前李泳汉向传媒供出多段声称是“内幕”的影片及录音对话，当中包括李泳汉独自站在门外自拍，指鼎爷在屋内不愿意行出门口，期间问鼎爷：“你俾人软禁咗喺自己间屋度？”鼎爷带点晦气答：“系呀！系呀！”除质疑泳豪“禁锢”鼎爷之外，还对父亲粗声粗气，泳豪太太林妤谦（Agnes）亦有“教训”鼎爷乱花钱，逐项数目跟老爷对质等等。

不甘太太被屈供出完整语音对话内容

李泳豪今日（9日）接受《香港01》访问，坦白承认自己对父亲说话语气较重，但没有说粗言；不过录音声带全部“一节节”，明显有人刻意抹黑。泳豪特别心痛太太Agnes，并决定公开这位细新抱劝告老爷的完整对话内容，泳豪说：“我唔想我老婆被人屈！”

李泳汉将Agnes抹黑成“恶魔”一样，并称呼对方做“台湾婆”。由泳汉提供的声档中，Agnes严厉管束鼎爷的财务，态度似乎不太客气，用半咸淡广东话说：“你唔好同我扮嘢嘞，你所有啲数，我哋都同你计咗㗎，你自己都写过出嚟，你每3日就半只鸡，你净系钟意食蒸鸡，咁可以用几多钱呀？你又唔出街，你呢个月使多咗钱，就系买多咗个手提电话，因为你自己掟烂咗部手提电话，你冇其他消费，总之，听清楚16万6千几，就系你7月至11月嘅生活费。” 然后Agnes更教训鼎爷：“我老公细个你点教佢㗎？畀你咁多就系咁多，你自己想用就自己想办法啦，咁如果你冇钱仲碌卡，就要自己负责嘞，你唔好唔记得咗，你𠮶日赶赶赶，赶出去想揿钱，跟住你撞车呀，连个天都唔畀你做呢件事，你自己谂清楚。”

语音声档后续爆鼎爷银行账目混乱：啲钱留低自己用

原来这段声带还有惊人后续，Agnes爆鼎爷银行户口账目不清，使钱如大花筒“几十万几十万”去向不明！Agnes说：“总之我做新抱，我老公做细仔嘅，可以帮你睇住条数，你唔使同我讲灯油火蜡，你一个月灯油火蜡都用唔到75万，但你转咗75万畀人，吓，你唔好再话冇啦！银行statement黑字白纸，人喺𠮶度，除非银行讲大话，咁你可以告银行㖞，你无啦啦户口少咗75万嘅？吓，唔合理㖞，啲钱留低自己用。”

新抱Agnes劝老爷：唔好咁糊涂

另一段语音讯息，则是Agnes劝老爷要好好守住自己家财，语调较温和，听得出好戥老爷不值，十分无奈：“我都劝你啦，唔好咁糊涂，每日劳气，唔好咁糊涂啦，唔好咁无智商啦，去思考吓你做嘅嘢合唔合理。75万、45万、20万、43万咁样fing去畀人，你唔好话冇呀，银行statement清清楚楚写𠮶度，一笔笔现金嘅数出咗去，无可能系错误嘅，一系我帮你联络律师去告银行，因为你啲数出咗去，几十万几十万几十万咁出去，你话冇？咁就唔合理嘞，咁就要叫律师帮你告银行，我帮你联络吖？！”

而鼎爷就曾在访问中赞细新抱对自己好好，每日探望及劝进食，甚至“喂我食饭”，而细仔无论工作几疲累都会攞饭给鼎爷，并指自己弟妹亦有探望。相反，指斥大仔“唔系人”，而大新抱更是“人无三尺高 肚里三把刀”，黑白是非明眼人一看便清楚。