5月8日美国国防部公开有关不明飞行物（UFO）的文件，并表示公众可对这些“不明航空现象（UAP）”自行得出结论。首批文件一共有162份资料，包括此前的国务院电文、联邦调查局（FBI）档案以及太空总署（NASA）的载人航天飞行记录文字稿。

“终于可以讲UFO” 陈欣妍自揭目击者身份

除引起网民热烈讨论，香港艺人陈欣妍（Shirley）也在一些Threads帖文上留言，表示“终于可以讲UFO啦”，《香港01》记者向她问及有关美国公开UFO资料，原来她相当有兴趣，更表示自己就是一名“UFO目击者”！陈欣妍回应“爱情可唔可以共患难”　感情见真章：贫贱夫妻百事哀

凌晨拍戏遇奇景！亲述以“意念”指挥飞碟画8字

她讲述多年前与UFO接触的经历：“第一次见系好多年前拍戏，𠮶晚凌晨大概四点，仲拍紧，咁我同其他演员坐喺沙滩度等紧，我就喺度擡头睇星星，我本身好钟意睇星星，尤其是系对人生感到疑惑嘅时候，每次望住星空，都会有一种好强烈嘅归属感，有时会有一种莫名嘅感动，我知完成呢一世我就会回去。跟住见到一个星星觉得好特别，然后佢开始郁，咁我就谂系唔系飞机但直觉话俾我听唔似，因为佢郁嘅方法同飞机唔同。于是我喺个心入边就谂，如果你系UFO，你可唔可以画一个圆形俾我？我要大啲同埋郁得好快嘅，然后佢真系做咗俾我。跟住我就再用意念去谂，不如你画一个八字 ♾️infinity俾我，因为呢个符号需要急速转弯，所以我想睇。点知佢真系极快速地画咗几个八字俾我。𠮶次系我第一次见到，自此之后就会经常见到。”

忧被当“黐线”影响工作 曾将秘密藏心底

为什么会说“终于可以讲UFO啦”？她也回答，直言担心遭到周遭的人的奇异目光。“因为以前同人哋讲，大家会以为我黐线，或者以为我入咗邪教，或者精神分裂。我记得有个讨论区仲有一个咁嘅标题，虽然我都系𠮶个讨论区嘅会员，我都有谂过不如直接喺下面留，不过都系算啦，哈哈哈哈。后尾我觉得咁样可能会影响我工作，所以我就决定唔再讲，YouTube都冇再更新有关话题。”

揭开UFO现身条件：取决于开放心态与零恐惧

问到对UFO的睇法，她又说：“其实成个天空上面有好多好多UFO，你见唔见到佢哋系在乎佢哋肯唔肯俾你见。即系佢哋可以喺你面前带你都睇唔到，但其实全部人都系可以睇到，只要你有个open mind，同埋唔恐惧系最重要。”

见证官方认证外星人 感动圆梦“人生清单”

对于美国公开有关UFO的调查资料，她直言觉得感动：“我觉得我今世可以亲眼见证到呢件事都算系checked a life bucket list，公开证实有外星人嘅存在我等咗好多年，因为大部份嘅人类好需要权威同官方认证，佢哋先会愿意相信一件事情，如果唔系即使件事发生喺佢哋面前，佢哋都可以比其他解释理由说服。例如以前有发生过好多UFO目击事件，但最后官方会出嚟澄清，于是大家就会忘记自己直觉嘅见解。 ”

盼人类扩阔宇宙观 重新思考生命意义

她续说：“我觉得依家公开咗，最大嘅意义，系比人类知道，宇宙好大，唔系只有人类。其实呢个世界有无数个星系，每一个星系里，又可能有数千亿颗恒星、行星，直接讲其实系有无数个文明，多到人类无法想像。当你有呢个宇宙观嘅时候，生命中的很多东西都会被重新定义。这个从新思考的过程才是最珍贵的。”