由森美、Eric Kwok（郭伟亮）带领Plan V成员李茵彤Desta主持、Eric Kwok担任音乐总监的互动音乐Game Show《唱钱》，日前（9日）一集嘉宾黄淑蔓（Feanna），成功打低超级Monster歌曲《I Will Always Love You》，令三位主持劲兴奋疯狂尖叫兼极速冲上台，当中森美除兴奋至熊抱Eric Kowk、更一度因嗌得过激见晕跌埋落地：“我嗌到见晕”，场面兴奋又经典。

叫妈咪“快啲揿掣”争奖金劲搞笑

在Feanna正式接受挑战前，EK扬言：“我系质疑过究竟有冇人可以成功搞掂呢只歌呢？”，并封该首歌为“一只本来以为冇乜人可以成功到嘅歌。”而Feanna挑战前，亦坦言欠自信，皆因平时演唱“太有自己Version”。最终Feanna以综合成绩93.8%成功挑战Monster，获森美、Eric Kwok赞不绝口，森美：“原本谂住去到Chorus当你赢”、“高音位都仲唱得好舒服”、“啲转音你全部背得到晒”、“我跌落地𠮶吓唔系玩架，系嗌到晕咗”，Eric Kwok：“抵你赢，因为你熟读晒啲音”、“你话畀我听呢个世界原来有希望”。大嗌好玩的Feanna事后坦言当望到系统内的Bar出现红色时，会忍不住凝望及分心。为观众赢得HK$30,000现金奖的Feanna，还搞笑地叫妈咪“快啲揿掣”争奖金，十分搞笑。

今次Feanna前8首歌曲挑战成绩为Level 1《希望》综合成绩：97.2%、Level 2 《恋爱预告》综合成绩：92.2%、Level 3《Chotto等等》综合成绩：94.5%、Level 4《依然》综合成绩：92.3%、Level 5《多啦A梦》综合成绩：95.3%、Level 6《爱是最大权利》综合成绩：94.6%、Level 7《忍》综合成绩：93.7%、Level 8《越难越爱》综合成绩：91.3%。首度出现在《唱钱》的《忍》，是林欣彤出名难唱的歌曲之一，但Feanna不但轻松过关，还唱出了感染力，令森美大感佩服：“你𠮶种从容打低咗我哋系统。”

由于Feanna表现超卓，昨晚节目一播出即吸获网民洗版式正评：“黐线，劲到”、“大癫”、“把声靓到癫”、“人靓声甜，真实力”、“真系好劲，又靓女”、“甜姐儿甜到漏，性格仲好鬼马”、“睇到沉船到遇溺”、“Gfable”、“佢𠮶种靓好自然”、“美女”、“呢个节目冇修音，完全系反映到歌手嘅真实水平，黄淑蔓真系新时代最好唱功嘅歌手之一”、“好彩佢上咗呢个节目，等多啲人认识佢”、“佢真系超劲，又够气，又准”、“睇完《唱钱》即刻去追听番佢嘅歌”、“好劲，连Whitney Houston嘅《I Will Always Love You》都过关”、“态度好、技术好”、“完全系屈机”、“新一代巨肺”、“睇到我成盒饭都冻晒（意旨投入到唔记得扒饭）”；还有一班网民以《华富一号》（今届金像奖最佳原创电影歌曲）称呼Feanna！

其实Feanna确是相当强劲，年仅24岁的她不但入行已11年，更曾两度勇夺金像奖最佳原创电影歌曲，读书期间亦已在校内校外比赛获奖无数。14岁已成为半职业歌手的Feanna，曾接受正规音乐训练，拥有英国皇家音乐学院（ABRSM）八级声乐资格，实力非同小可。