古天乐旗下的天下一公司，今日（12/5）公布进军舞台剧界，开立“天下一幕”，头炮就有张继聪做监制，朱栢谦主演兼导演，廖子妤、何嘉莉、吴冰@小薯茄、黄梓侨、汤君慈主演的《大龙凤》。该剧今次是第三度公演，而朱栢谦更曾经凭该剧夺得舞台剧剧帝，今次可谓载誉归来。

入场已有惊喜　首当监制咩都关自己事

记者会后，首度担任监制的张继聪，联同剧中一班新演员接受访问，首次做监制的他任何事都亲力亲为，首先剧中大部分演员都是他亲自邀请，又为令观众有全新的睇骚体验，度了好几样有趣暖场活动。“开骚前现场会有蓝调歌手蓝调人玩Blues Music，而入场人士又会包一杯饮品，让大家睇骚前可以听下歌饮下嘢。”至于最贵的门票，仲有厚礼回赠。“不单坐最前，仲有特别的回礼礼物，又可以同剧中主角影相留念，好抵睇。”

阿聪自言做监制要管理的事情特别多︰“以前做演员出席记招，贴张贴纸讲几句就完，但做监制，你连台上Backdrop几长，现场摆几多张凳、call time几点，呢啲全部我都要知，所以到自己去做番演员，你就更加会感恩要成就一件事，其实要有好多人帮手。”

张继聪坦言对票房忐忑　长远计划去到2028

对于票房反应，阿聪都坦言一日未开卖，都会有忐忑︰“希望一开卖，大家多多支持买晒啲飞我就开心喇。始终呢刻电影市道仲未畅旺，所以我都同老板古生讲，希望剧团可以给予年轻演员多啲演出机会去磨练，暂时已计划到2028年。”而阿聪亦觉得，既然古生咁支持自己做这件事，最大的承诺就系唔好令对方蚀钱。“所以做监制最重要系计数，所有开支都要用得其所，呢个都系挑战。”

问到为何冇找太太谢安琪演出？阿聪表示找朱栢谦做导演时，朱谦已建议自己做男主角，但都立即婉拒。“首先呢个角色之前做朱谦演到拎奖，最好当然由佢做番，再者我都唔想畀人觉得自己搞间公司出嚟，捧自己做男主角，所以我都需要避嫌，何况我老婆？唔排除将来会有机会，但都唔会系我第一个考虑。”而太太的最重要工作，就是令阿聪返到屋企时分心︰“每日返到去见佢好靓呀好靓呀，就令我暂时唔谂工作嘅嘢。”

早前，张继聪在农夫演唱会组成的“人夫集团”，原来都是天下一幕跟农作天下合作的舞台剧，而阿聪同样担任创作位置，所以都逼农夫完成红馆骚后，马上开工度桥︰“嚟紧十月就系，所以过两日都已经要开创作会，喺农夫演唱会出一出场时，大家反应都好好。嚟紧我哋仲会出歌，唱一啲歌颂太太的歌，赞美所有结婚人士都好聪明，所有成功人士都系已婚。”