小仪在2025年10月10日离开，结束工作30年的商业电台（商台）。多个访问中，她形容这是人生第二次勇敢的“裸辞”，希望在54岁之际走出舒适圈。早前她接受娱壹访问中，透露离开商台的原因，并大谈与森美合作的感受，形容森美用“打沉方法”令她知道自己能力，又言以前“度桥”时总会被指示写先，但永远都会遭到森美“Ban桥”，更指“拍档好难搞，又甩唔到”。近日有网民翻出访问，开po讨论，直言森美刻薄、难相处，为小仪感到不值。

以《小孖侠》剖白心声：唔再勉强佢一齐打怪兽

昨日（5月14日）森美为《唱钱》录音，探班后他接受《香港01》就被问起这段小仪口中节所说的难过的日子。他回应：“如果咁讲，（𠮶时）大家廿几岁，我谂我同佢性格唔同，𠮶时做过一个《小孖侠》（2008年）舞台剧演出，都廿年前。𠮶时舞台剧故事系我写，我终于明白到，我同佢系两个小孖侠一齐打怪兽。我每一次都希望我个拍档同我一齐打怪兽，但系我拍档想唔想呢？所以我就用咗一个舞台剧，向小仪表示我终于明白啦，从𠮶阵时之后，我唔会再拉你同我一齐打怪兽。你有你享受生活。如果大家睇过舞台剧都会记得嘅。”

坦承头10年要求高 转变合作模式激发“火仪”诞生

森美坦承，“呢件事”在合作头10年都会发生：“舞台剧之后，我都放松咗大家对大家嘅要求。呢个都真系㗎，放松咗之后⋯⋯你都记得，我畀咗个新绰号小仪，叫做‘火仪’。佢就有开始火气。”森美表示，合作初期有磨擦，源于他想一齐和拍档“度桥”的取向，但后来他才发现，原来由他“度桥”，小仪去做演员更为合适：“最早期我会希望我写啲Segment，佢又写啲，5050一齐写，之后就冇啦。我负责写，佢负责演出。佢系一个出色嘅演员，所以佢演释我写嘅嘢。呢个都系头10年有嘅事。”

商台与MIRROR破冰？森美笑指“从来冇见过块冰”

早前有传媒商台与MIRROR“破冰”。森美笑言，从来都唔觉得有冰：“首次破冰系大家觉得，我就见唔到块冰喺度，所以我唔觉得佢哋有破冰。”他表示，每一位歌手和“个榜”的关系都是一样：“都系继续睇吓啦，今年呀出年呀，过多一两年睇吓成绩如何，咁我哋先知过往有冇冰。又或者到时先结冰呢。”