艺人施明离世后，“李家风波”爆发立即成为大家的焦点，而李家鼎暴瘦现身亦令不少网民担忧。李泳豪今日（14日）接受TVB娱乐新闻台的访问，亦是在风波爆出后首次公开受访，他亲自回应李家鼎最新状况与太太心情。

李泳豪交代李家鼎的近况

李泳豪：“佢而家休养紧，好咗好多，但都仲需要时间，毕竟佢都老啦。”他表示李家鼎之前暴瘦的位置，例如脸已经慢慢长肉，因为之前胃口不佳而食不下咽：“佢系完全冇胃口啊！就算我哋带佢出街食饭或者我太太煮饭畀佢食，佢可能食少少就饱，其实佢就冇乜心情食嘢！但依家就调理紧啦，好咗之后佢开始有胃口啦。佢话啊仔啊，我做咩依家食完一个钟我又肚饿喇㖞，跟住我同老婆话好啰，咁跟住依家开始有要求啦。有一次买错嘢畀佢食，谂住清肠胃买啲粥，佢话佢想食鸭腿汤饭，佢依家最想食鸭腿汤饭。”

李泳豪指李家鼎不肯吃菜只想吃肉

李泳豪边说边笑，看上去他因为爸爸的身体情况逐渐变好，心情已经没之前那般差，更拿爸爸开玩笑，指他不肯吃菜只想吃肉：“我啲 auntie都会间唔中过去探佢啦，煮咗啲芥兰俾佢，跟住我auntie都话：‘你老豆开始真系返嚟啦！’佢话啲芥兰苦㖞，要落啲糖。”

李家鼎已做身体检查

李泳豪曾向李家鼎说：“唔止TVB啲同事，成个香港人都系好支持你同好担心你，希望你振作，希望你身体好。”而被问到身体有没有事时，他则表示已经做了身体检查：“冇事，其实真系营养问题，食得唔够，营养不良为主。”

对于早前李家鼎公开表示李泳豪是自己的遗产执行人，他即感谢爸爸的信任：“daddy觉得自己都年纪大，惊担心自己处理唔到。Daddy依家嘅财政都辛苦，幸好我仲开紧工，仲揾紧钱，暂时仲应付到嘅，我哋嚟take care爸爸啦，佢好为啲仔女去谂，唔会要求你买咩俾佢，又或者去边度食好嘢，你知阿爷佢去到边度食嘢都开心，都同人倾好多偈，大排档又得，我哋两父子不嬲都系咁样。”至今财政上的安排，李泳汉表示已经交由律师或会计师去处理，自己则继续开工赚钱。

另外提到老婆Agnes被李泳汉拒入灵堂及公开经删剪的录音问题时，李泳豪随即反击护妻不忍老婆受到一点屈辱：“因为我系平时唔系好钟意讲嘢，我谂其实我啲同事都知，最重要就系我唔想我太太蒙受呢个冤枉！其实我都唔钟意做呢啲嘢，即系几丑，但系你讲到我太太好似好野蛮、好霸权啊，好似唔讲道理。其实佢出发点都系为个老爷好，其实如果你听晒录音，佢就系为佢好，就系咁简单。唔好话太太啦，我都忟嘅。担心佢一个老人家，80岁呢个年纪，工作机会会减少㗎嘛。而家香港时道又唔好，我哋曾经食饭或者私底下聚会都话真系要stop，真系要去睇住同manage。你知道我爸爸㗎啦，外表就咁样，但好心软㗎嘛。”至于问到李泳汉时，他则表示对此不作回应。

。(节目截图)

当谈到施明的安葬地点时，李泳豪继续表示自己并不知情：“系想知道嘅，都好多谢有心人，都有 send message畀我，话我哋可以透过咩途径去边度问，我而家仲问紧，试咗先，如果唔得咪就系再靠自己同𠮶啲观众提供俾我嘅资料去问啰。”