艺人李泳豪昨日（14日）再次接受影片频道“威哥会馆”的访问，分享了小时候拍摄的往事，当中亦有提及妈妈施明怎样带他入戏及与哥哥李泳汉小时候一起玩的时光。李泳豪与威哥谈及小时候与陈敏儿拍摄的经过，他表示当时要拍一幕陈敏儿要被斩首的戏，而妈妈施明则在旁教他怎样入戏，他忆述：“真系𠮶阵时𠮶一刻系真系当咗佢系妈妈，咁我妈咪带我入戏呢，亦都系话你而家当咗敏儿姐就系你阿妈啦。咁𠮶阵时敏儿姐即系我妈现场对戏，佢话你依家就当你妈咪畀人斩头，你见唔到你妈咪㗎啦，你会点？你谂下你妈咪冇㗎啦！”当施明说到这，李泳豪已经哭得唏哩哗啦，但当时陈敏儿就叫他先不要哭，留待她讲完对白再哭，他坦言这场戏让他印象深刻。

童星李泳豪学业拍摄两头忙

由小时候已经开始拍摄生涯的李泳豪，怎样在学业及拍摄上分配时，他直言施明把他的时间分配得很好，大赞“系啊妈功劳”：“有阵时接咗放学化咗妆，咁有时间即系个厂未set好嘅，咪做功课、阿妈同我揾书。佢会同啲监制去deal，即系话唔得㗎啦，佢话咁晏我仔要返去瞓㗎啦，第二日好彩下昼班，上昼班真系搞唔掂。”

施明送李泳豪试镜成功礼物

李泳豪更讲到施明带他去试镜，施明答应他如果试镜成功就会答应他一件事：“妈咪我答应你，你呢如果casting可以成功攞呢个角色呢，妈咪畀个奖励你。我就话系咪真嘅，佢话系，妈咪答应你一定会做。”最后李泳豪当然是试镜成功，从施明手上得到他心心念念的模型车仔。虽然他顺利得到他心仪的礼物，但就留不住：“细细个𡃁仔去厕所，喺马桶𠮶度玩，噗一声跌咗落去。”

李泳豪与李泳汉小时候的回忆

除了与妈妈施明的回忆外，李泳豪亦有提到与哥哥李泳汉小时候的回忆。他表示当年拍摄时道具教他怎样做到“烂面效果”：“佢话阿仔你想唔想玩呢旧嘢啊？跟住好似我哋细个玩𠮶啲纸黏土，教你返去攞水煲几耐，咩等佢热咗，溶咗摊落块面度，咁样挑挑挑，就系而家咁嘅样㗎啦。跟住我同我哥就玩𠮶旧嘢啰，好记得㗎！”