方力申首个红馆演唱会《Perfect Moment最佳时间演唱会》今晚（15日）举行头场，嘉宾阵容掀起回忆杀，《美女厨房》的郑中基（Ronald）、梁汉文（Edmond）罕有现身合体，合唱《龙咁威》及一系列节目中的改词串烧歌，更大呼：“美女厨房，食咗先讲！”

Edmond指听讲小方老婆Maple睇《美女厨房》时仍然好细个，坐爸爸大髀，小方说她当时只是小六。之后三位讲起拍节目的回忆，小方表示从两位前辈身上学到好多：“我本身系一个好鹌鹑嘅艺人，但系我喺记者面前讲过好多次，我睇住Ronald同啲嘉宾玩完之后，我问佢‘你同佢哋好friend㗎？’佢话‘唔系呀，啱啱先识’，我话‘唔系啩？你头先寸得佢咁劲嘅？’佢话咁大家做show系咁㗎啦！”

他又续说：“Edmond试过有一次病，好唔舒服，但系当见到所有现场观众，一roll机，即刻好精神，我话‘你唔系病咩？’佢话‘唔使做咩？’我做咗六年𠮶时，仲系带住自己情绪返工，系你哋教识我点样做一个Entertainer，一个艺人系点样娱乐观众！”

而Ronald及Edmond并没有表现得感动，反而笑住窒小方，重提他的经典对白“假㗎啲奶”，笑指：“你𠮶次都好劲呀！你发脾气添呀，你仲记唔记得你闹人⋯⋯咩系假嘅话？”令全场爆笑，二人更指那时已感觉到这位年轻人很有火，是可造之才！