罗家英（家英哥）将于今年9月踏入80岁，将筵开20席庆祝八十大寿，并将于5月21至25日假西九戏曲中心举行《罗家英八十光影醉艺坛》，连演五场。早前透露再次患上前列腺癌的家英哥，日前接受杨绍雄YouTube频道访问，声音十分沙哑，但中气十足，精神不俗，而且头脑十分清晰，透露为何坚决参选八和会馆主席，直言今次是“搏老命”，并高EQ回应网上疯传爱妻汪明荃（阿姐）的死讯。

传阿姐死讯当积寿　家英哥：多谢佢造谣

家英哥与阿姐相爱逾30年，感情深厚，阿姐亦十分欣赏他重承诺、不贪钱的做人作风。对于近日网上无端传出阿姐离世的造谣新闻，家英哥一笑置之：“最近今日先至有报道，唔知边度话汪明荃过世，罗家英喊到好伤心咁样，无中生有好多呢啲网上消息，真系好无稽诬蔑。”

家英哥展现出超高EQ，笑言反而要多谢造谣者：“我觉得每样嘢有因果，呢啲叫做口孽。我多谢佢咩呢？因为天上好多星君睇住我哋嘅，咦罗家英死咗㖞，咁得啦唔使揾佢啦！咁牛头马面就唔拉我，我又喺返度啰，咁我咪长命啰！我先能够20几年经历三轮、四轮cancer仲喺度，系咪俾人诅咒得多反而有一种抗体？”

出于良心“搏老命”选八和主席

将年届80岁的家英哥，曾四度患癌，由2004年起，先后3次被发现患上肝癌及前列腺癌，并进行手术切除后康复。早前一个内地的节目中，透露自己再次患上前列腺癌，并且决定不做化疗及电疗，靠每半年打一次女性荷尔蒙针抑制病情。尽管如此，他仍坚持竞选八和会馆主席。被问到为何不退休仍要“拿屎上身”，家英哥语重心长表示一切皆因良心与家族传承。

“呢个系一个良心！我爸爸、哥哥、伯父、叔父同好多堂兄弟都系做戏，去到我叫做最后𠮶个，都已经80岁啦。我哋一路嚟讲对戏行系好尊重好爱护，好想搞好佢，尽一切嘅绵力。”家英哥表示自己继承了父亲的衣钵，亦有入学校教戏，出发点非常简单：“我哋出嚟个心系咩呢？就系将八和好上加好，就系咁解。”

未问医生意见 祈求黄大仙保佑

对于身体能否负荷主席的重任，杨绍雄直言担心他会“短几年命”，家英哥坦承：“真系㗎，我而家系搏条老命去做㗎！”他坦言事前甚至没有问过私家医生的意见：“我冇问，自己同自己讲，同我妈咪讲叫佢保佑，同埋黄大仙讲保佑啦，做到就做，做唔到就算数。”

不过家英哥亦表示会量力而为：“我都会靠好多人帮，会就住就住，用脑去指挥，唔使亲力亲为，估计应该顶得住。老实讲身体真系一个未知数，但目前嚟讲系几好，打住针半年打一次，而家仲系行得走得。不过个人就老喇，身体过劳唔可以支撑咁耐，我做呢五日大戏我系好辛苦，希望能够顶到。”