TVB处境剧《爱．回家之开心速递》自2017年开播至今，最近演员们证实剧集即将停播，并将会推出新处境剧来取代，除了观众外，演员们都感到不舍。艺人吕慧仪昨日（16日）于内地中山出席音乐会时接受《香港01》访问，直言表示很不舍：“但系都开始会谂，如果真系完嘅话，一定好唔舍得啰，会好唔舍得我啲屋企人。”至于早前滕丽名在直播中率先自爆将不参与新的处境剧，但吕慧仪笑指：“佢话应该啫，唔一定嘅！”而她自己则希望可以演出一些“得意”的角色：“或者可以做到啲糟质人嘅角色，或者可能剧组谂到我可以做到嘅角色，我都可以试下㗎。”

吕慧仪入行有一半时间都拍《爱．回家》

对于《爱．回家》播出超过9年，而吕慧仪被最初期已经有份参与，她对这部剧集的感觉充满了感慨。吕慧仪表示自己入行多年，但有一半的时间都有份在剧集内，而她与剧中一班演员由同事已经演变成家人：“咁所以个感觉系个bonding好强，即系同佢哋一齐又会好开心，又可以咩都讲又可以咩都分享，咁所以变咗无论套剧完定唔完都系一样㗎个感情！”

吕慧仪觉得陈浚霆唔系踢走最受欢迎CP的“幕后黑手”

对于有网民在社交平台发文指有“幕后黑手”为了自己角色更有人气和戏份，而“整走”其他配角。虽然原文没有指出这个“幕后黑手”到底是谁，但就有网民综合了资料后表示这个“疑凶”就是陈浚霆（龙璟风，风少），更直指风少“果位少爷仔，公司入面无人敢得罪佢”。意指陈浚霆为了令“神风CP”上位，踢走最受欢迎的“Candy Mike CP”。吕慧仪表示自己亦有留意此事，但她马上力挺陈浚霆：“我觉得大家其实都几丰富嘅啲想像力，因为以我认识嘅风少，他都系一个乖同好勤力工作嘅人，虽然大家会觉得佢系一个比较富裕嘅人，感觉佢都唔系好忧做，但其实佢系一个好勤力同好珍惜工作机会嘅人。所以我觉得某程度上，可能因为𠮶啲人唔认识佢，或者未必接触到真实嘅佢，所以会有咁样嘅想法。”

吕慧仪直指公司唔养闲人

对于“Candy Mike CP”被out，吕慧仪就有另一番见解：“我觉得一定系有演员出出入入㗎啦，因为好多时候我哋公司系唔养闲人㗎！当佢哋有其他发展空间嘅时候，就会抽调佢哋出去拍其他东西。譬如Candy Mike，佢哋两个依家喺恋综Hit到爆炸。我觉得都系一个好好嘅机会，可能你不排除大结局佢哋会回来呢！”至于陈浚霆被指是“少爷仔”，吕慧仪又不太觉得他有“少爷仔”的感觉，她指陈浚霆很贴地的：“其实佢同我哋一齐食茶餐厅又得，同我哋一起挨更抵夜又得。𠮶阵尤其是我哋一齐开最初期嘅爱回家，因为大家要追存货，所以系好日以继夜夜以继日，佢又会同我哋一齐挨，如果真系少爷仔就唔会咁样挨。”