“女神”关嘉敏今日（17日）出席剧集《香港探秘地图》的宣传活动，她接受《香港01》访问时“语出惊人”，大方承认自己已经迈入“中女”阶段，更笑言自己已经“中”了两项所谓的“中年三宝”。虽然自嘲年纪增长，但关嘉敏对工作的热诚依然不减，更分享了早前拍摄这部剧集时的惊险趣事。

关嘉敏指自己在其中一个单元挑战饰演一名粤剧花旦，并于第一集就会率先登场。她笑言这个角色并不简单，甚至带点“机心”：“会同龚嘉欣、南哥佢哋有啲对手戏。我会搽晒块面唱粤曲𠮶啲啊，亦都经历咗好多花旦会做嘅嘢啦，Casting啦或者系著旗袍，所以呢其实我呢一套剧入面，我觉得都试咗好多唔同嘅造型。”至于被问到拍摄时有否遇见灵异事件时，她带著点害怕说：“拍嘅时候都有少少惊嘅！我仲好记得呢我第一套剧喺响古装街度拍，就系呢一套啦！就著住旗袍好夜夜晚我哋都系凌晨𠮶啲时间，响古装街𠮶度拍晒所有唔同嘅嘢，虽然系好多人嘅，咁但系喺呢个moment你仲要化晒一个白脸咁嘅妆，其实系会有少少惊嘅。咁可能都系自己吓自己啦，希望系自己吓自己啦，（发生啲咩事？）其实唔多嘅，咁但系有时可能收唔到音啊，或者啲灯唔小心熄咗啊，咁可能都系技术上嘅问题。”

关嘉敏迷上“中年三宝”：我基本中咗两样

对于许多女艺人来说，“年龄”往往是个避讳的话题，但性格爽朗的关嘉敏却显得非常豁达。而近期网上疯传的“中年三宝”，分别是马拉松、Hyrox及Pickleball，关嘉敏听完都忍不住大笑：“其实呢我都基本上我都中咗两样嘅！”

不介意被叫“中女”　早接受更舒服

对于“中女”这个称号，关嘉敏表现得非常大方：“当佢讲咗中年三宝，其实我不得不承认嘅，我都已经踏入中年啦，开始迈进啦已经。”当被问到实有不少艺人都不想承认自己到中年，她直接了当表示：“点解唔承认？咁真系嘛，我觉得佢哋讲嘅中年三宝，系因为呢个程度嘅运动，好适合由十几岁去到七十几岁都会参加嘅人。咁我觉得呢啲系几大范围，我觉得系值得去玩同埋值得力推啰，我觉得我总有一日会到中年嘅，所以我都唔系好介意。其实我而家开始接受呢，咁到时候真系到中年嘅时候，就冇咁难受。”