早年曾掀起过一阵“𡃁模”热潮，想当年娱乐圈中崩出跳出众多美少女，例如Angelababy、周秀娜、“ViuTV一姐”陈俞希、何佩瑜等等这些仍在演艺圈中打拼的艺人，都被归类于在“𡃁模”热潮中出道。不过有人站稳阵脚，自然有人被时代洪流“冲”走，或选择默默地“游”到另一条赛道。

元祖级𡃁模诞生

讲到“𡃁模”一词，被称“动漫Maggie”的李曼筠经常被指是“元祖”，但严格来说，“𡃁模”一词出于2007年，而李曼筠于2006年正式出道，所以“动漫Maggie”是一位比“𡃁模更元祖级的𡃁模”。她在2005年开始担任主持，2006年于香港动漫节以超性感打扮担当电脑游戏《马场风云》模特儿即成为焦点，其后签约娱乐公司正式出道。2007年至2022年间参演过14套电影，18个节目主持，4本散文集，若干写真拍摄，代表作不多但讲起“𡃁模”的话又总会出现她的名字。

37岁元祖𡃁模“动漫Maggie”潜水多年　激罕晒性感添女人味

亲解IG转私人帐号真相

翻查报道，近年她已几近绝迹于娱乐圈，Instagram帐号亦已更改成“0sml0”。《香港01》记者透过IG DM询问，她回复指：“都系最近post咗个story话啲冇头像嘅IG Acc add我唔想Accept，跟住啲人先至知道原来我转咗做private，好多都系follow咗好耐，所以都唔知。我唔系唔想咁多人见到，系几年前有一排好多鬼Account add我，觉得怪怪地咪private咗佢。”原来并不是想“淡出”，而是不想被无谓人打搅，好彩！

转战商界做网店老板

眨吓眼，当年还是18，22的“动漫Maggie”已成知性女性，已步入37岁。李曼筠向《香港01》表示，现时有自己的女装和钻石网店生意。打理生意是否代表淡出娱乐圈？她回答：“我又冇谂算唔算淡出，我都系如常咁样生活，做自己做嘅嘢，演艺机会嚟到嘅时候，适合嘅话，我又想接受嘅话，咁咪做。钟意嘅，接受嘅，从来都钟意，从来都接受。唔抗拒任何新嘅可能。每个人喺自己人生都有好多唔同嘅身份，唔会限死喺一个圈子或一个行业或一个身份当中嘅。”她自知这种性格可能令她的星途更难发展，但似乎未有意去更改。她也坦言，一直都在物色适合的经理人帮手。

享受猫奴单身生活 4只猫先系“另一半”

感情状况如何？她回答现时有“另一半”，家中的4只猫猫，但未有男朋友或老公。“我谂系因为我好少出街，就算出去，见来见去都系来来去去那些人，其实都冇乜机会认识到其他男士。咁我谂第一步系认识咗先，我连认识嘅机会都冇畀过任何人，咁又点样会有机会再沟通了解，再去开始一段感情呢？现代都市人通病。”

独立但系想有人照顾

记者问：“唔想揾个人？病咗都有人照顾。”她回答：“重病嘅时候真系瞓醒时会有一刻想有个人可以煮嘢俾我食㗎，不过呢个念头真系一刻就冇咗，好似乜嘢都可以自己搞掂，就算你讲嘅病嘅时候，其实打开个橱柜雪柜想快手煮啲乜嘢都得，就算真系唔想煮，我都仲可以叫外卖。”她表示，揾唔到另一半，可能源于自己独立又享受人生的性格和生活方式。”

盘点15位𡃁模去向　“动漫Maggie”淡出娱圈陈嘉宝三年抱两

"好想知边个改“动漫Maggie”呢个名，好感谢佢成就咗我！"

如果大家还是以‘动漫Maggie’称呼，或者忘记李曼筠这个名字，会否让她感到不满？她表示“动漫Maggie”象征了大家，包括粉丝、网民、传媒对她的爱。“冇乜所谓，记得我真名我当然感动，净系记得动漫Maggie我都会好开心！讲真冇呢个名都未必有咁多人记得我，然后有机会签电影公司，有咁多工作机会。我好多年前都公开讲过好想知到底系边个改呢个名，好感谢佢成就咗我！到依家我都好proud of自己当年系由动漫、网民、传媒推起来的！”

抹不走的青春印记

她续说：“虽然后来经理人公司话唔想我继续用呢个名，我系唔开心咗一排，但系无论继唔继续用呢个名都好，我依然咁钟意“动漫Maggie”。就好似有网民在我page留言‘动漫Maggie 系我青春嘅一部份’，我回复佢‘抹唔走㗎喇’。‘动漫Maggie’都系我青春嘅一部份，抹唔走亦都唔会抹走，好珍贵！”