武打巨星梁小龙今年1月14日离世，享年75岁。死讯传出后震惊演艺圈。随后有传闻指，梁小龙离世多时却久久未见安葬，引起外界诸多揣测，事后遗孀宋骧发声明驳“久置不葬”谣言。今日（18/5）其生前多年好友白彪出席米雪演会宣布加场活动时，接受《香港01》访问时首度开腔回应传闻，更意外揭露梁小龙生前鲜为人知的家庭状况。

回应安葬传闻 爆料夫妻关系欠佳

对于外界流传梁小龙“久置不葬”的传言，白彪表示：“当日我都有送佢，其实佢已经系火化咗，可能𠮶骨灰摆咗喺度，冇人去安置一个位俾佢去葬，就系咁样嘅情形，我谂系啲。（佢太太唔理？）两公婆嘅事呢，已经系呢10年8年，大家嘅关系已经唔系咁好，好多时都系为咗佢身家嘅事，就系为咗呢啲事，可能有啲不欢而散。”
梁小龙“久置不葬”的传言，出现在今年三月出现，当时梁小龙的遗孀宋骧开腔反击：“久治不葬纯属造谣诬陷。”并称已经搜集证据追究法律责任，声明表示梁小龙于2026年1月14日离世，而在1月26日深圳龙岗殡仪馆低调举行葬礼。

未正式离婚　但关系恶劣

被问到梁小龙婚姻状况？白彪表示：“未离婚，但我知道佢哋关系唔好。所以呢几年呢佢就上咗去大陆，咁就好少落嚟香港，而佢太太本身系内地人，但系落咗嚟好多年。”

性格硬颈成导火线　与太太相处现裂痕

白彪又指与梁小龙由细识到大，彼此感情深厚，大爆梁小龙个性硬颈：“佢嘅性格都好好倔强，佢讲嘅嘢如果你同佢唱反调，佢就会唔 like你嘅，咁所以佢太太可能一路同佢相处，就因为呢样嘢唔系咁好。佢讲嘅嘢我讲一，你就唔能够讲二。”

提到梁小龙生前健康状况，白彪表示：“不嬲有糖尿病，𠮶阵时已经系瘦得好紧要。当时我都有劝佢有糖尿病你唔好饮咁多可乐啦，你知佢嘅性格好硬，佢话该死唔该病，有乜所谓，人生我中意食乜嘢饮乜嘢都冇乜所谓啦。变咗有时我哋劝佢讲一次两次就好，如果第三次呢，你讲得多就唔系咁好。同埋佢最弊嘅问题，就系佢呢一年佢真系四围咁走，上次见佢，去完山东，再返洗，然后又去蒙古。我都有同佢讲大佬，啲钱而家都有得揾，唔好咁搏命啦 。”

一个月走十场　频繁奔波体力透支

白彪续指：“佢太过性急，一个月走10场。有一次我见到佢做完 show之后，佢就忽然间伏喺张台度好攰，同埋唞气唔系咁好，我又同佢讲大佬唔好咁搏啦。”对于梁小龙死因，白彪认为对方因过度操劳致死。