米雪今日（18日）于新蒲岗出席《友你有米55派对骚》的公开加场记者会。现场气氛极为热烈，不仅宣布演出反应理想决定加场，更有米雪的多年好友家英哥（罗家英）惊喜现身。家英哥一登场便与米雪大谈粤剧缘及多年的同僚情谊，更准备了一份精致的“金钗”送给米雪，祝福她在舞台上更加闪耀。

金钗“偷”出场　原来来自阿姐珍藏

罗家英接受《香港01》访问时大爆礼物的来源，指这些金钗原本是太太汪明荃（阿姐）的收藏品。他开玩笑说：“趁阿姐唔注意就‘偷’咗一支过嚟，下次再偷多几支！” 家英哥又指：“阿姐平时都送好多嘢畀人，佢咁锡后辈，知道系送畀你一定冇问题！”米雪表示：“咁我冇咁惊，多谢多谢。阿姐好锡我哋嘅，咁其实家英哥应该攞得，我谂阿姐真系只眼开只眼闭，或者买定喺度，你中意攞去送俾佢哋。”家哥搞笑回应：“俾你讲中咗。”

30年失窃史曝光　累计损失逾600万

罗家英不仅大方送上“阿姐私藏”金钗，更语出惊人地揭露汪明荃家中过去三十年来的“失窃史”：“阿姐呢就好麻烦，佢间屋俾啲贼入屋三次，我送咗好多嘅生日礼物，例如钻石、手鈪、颈链计埋佢啲表都成600万。（有冇唔开心失眠？）冇呀，我觉得越偷越旺，我觉得呢啲过眼烟云嘅嘢，唔需要介意。呢30年偷咗3次，差不多时间系喺《东华》或者《台庆》嘅时间去攞咗啲首饰出去戴，𠮶啲人就知道，佢哋就会行动。”

米雪马上出口制止：“你唔好讲啦 ，唔系𠮶啲贼又等住㖞。”家英哥表示：“而家精咗，唔摆喺屋企啦，佢嚟偷都冇嘢偷啦，而家我讲你听入嚟冇用嘅，我哋已经装晒好多嘢啦，系自己自投落网。（贼人入屋嘅时候阿姐喺唔喺屋企？）唔喺。啲贼叻到点样样呢，系工人去放狗，𠮶15分钟，就入咗去。（啲时间咁准，会唔会工人里应外合？）我唔敢讲，我相信唔会，唔好怀疑啲工人。”米雪接著说：“家英哥应该揾到，再买过啲新款啲嘅嘢。”家英哥说笑：“而家我买嘅嘢都系假。”米雪说：“你曳啊你！”家英哥笑言：“唔系曳，呢啲叫做知悭识俭。”