TVB 长寿处境剧《爱·回家之开心速递》陪伴观众多年，近日竟传出即将停播的消息，令不少忠实剧迷感到震惊与不舍。在剧中饰演“雷公”的资深演员白彪，昨日（18日）米雪演唱会加场活动接受《香港01》访问时大谈感受，言谈间流露出对剧组深厚的感情。

白彪：始终有完的一天

面对剧集停播，白彪表现感不舍：“真系有啲唔舍得嘅，因为大家玩咗咁多年，大家日日都差唔多可以返工咁样，日日都系喺度返工食饭，同埋一齐玩，真系有啲唔舍得嘅。（将面临失业，有人冇工开？）其实老实讲天下无不散之筵席，你个剧拍咗咁耐，终有一日都会有𠮶个问题嘅。其实佢拍咗咁耐已经好好，你谂吓人个脑汁系有限，如果你做编剧，我日日叫你交稿，有时系写唔到，但又要出货㖞，咁所以正所谓有啲嘢干咗，有啲嘢谂唔到。”

对于有部分观众认为剧情越看越闷、早就该停播的负面评价，白彪表示：“呢一样嘢我又唔敢讲啦，不过就好似头先我讲句说话，始终有完𠮶一日嘅，或者完咗咁跟住有一个新嘅开始，咁可能 OK啦，乜嘢都系啦，你谂下以前由《皆大欢喜》一路到而家都系咁变。（会唔会觉得太长又唔系咁好？）系，唯有尽量做到，如果有新嘅桥段，有新嘅嘢，讲而家嘅生活，或另外一种嘢，如果讲得好，都会有观众支持嘅。”