自从施明离世后，李家鼎、李泳汉、李泳豪三父子成为新闻人物，李泳汉与父、弟正式缺裂、因财失义，81岁的鼎爷早前爆出遭大仔李泳汉当“人肉ATM”，豪仔受访时直言老父现在“财政系辛苦”。为了解寻找新出路，李泳豪前日（16日）在社交平台宣布重启个人YouTube频道积极吸金，而今日（20日）晚上，他更亲自拍片预告未来大计，透露将会与鼎爷一起出镜拍片。

预告与鼎爷拍片　但需待对方“靓仔啲”先

虽然《爱．回家之开心速递》停拍在即，而“初恋Cafe”水吧伙计“豪仔”也面临失业，但豪仔透露自己今日仍有开工，至晚上收工时，才在停车场拍了一条简单短片交代目前情况，他先感谢大家支持他与鼎爷，觉得很感动和有爱。之后豪仔表示会跟鼎爷一齐拍片，但要先等到对方状态较佳时再拍：“我而家仲系拍紧《爱．回家》同埋处理紧我屋企一啲事，都比较忙嘅呢一排，可能而家未必会出得太多片，同埋之后我会同我爸爸一齐上嚟，爸爸都想同大家讲声多谢，同埋就系交代吓自己情况，但系佢话想再靓仔啲。我想同大家讲，鼎爷而家靓仔咗好多，但系佢话未够，俾佢老人家休息多一阵先，佢想以一个好啲嘅状态出嚟同大家见个面，呢个就系我爸爸托我同大家讲嘅。”

李泳豪正摸索YouTube营运　或待鼎爷精神较佳时开直播

豪仔自言目前仍是YouTube新手，一切尚在摸索当中，过往只是随心分享生活片、飘移片，将来都会往这个方向发展：“大家都有网友话会唔会同鼎爷喺YouTube出现，会嘅，一定会嘅！你话煮𩠌又好买𩠌又好，甚至听吓爸爸讲故事，我都会拍嘅之后，但系目前要等佢身体好啲先，都系听佢发落，佢话OK就同佢拍，又或者佢精神状态再好啲就开直播，大家同佢倾偈问问题。”

积极收集网民意见　出片1小时已获大量网民打气

他透露目前其YouTube可以开始盈利，但账户有待验证，要找朋友帮手，相信很快能解决，至于有网民建议他跟其他YouTuber联播、互动，他也十分乐意，并说：“都想跟一啲做开嘅YouTuber学吓，呢方面真系唔识，一张白纸，你睇我搞Account都知，之前未营运到，而家验证都仲搞紧，睇吓大家有咩意见，或者如果大家想话豪仔我想睇咩片，或者想睇你车、各样嘢都可以同我讲，你可以喺YouTube下面留言，或者IG Facebook message我都得，我会迟咗覆，但系我唔会唔覆。”最后，豪仔又代鼎爷感谢大家支持，祝所有人身体健康、开开心心。影片发布不足一小时，已有很多人留言跟豪仔打气。