“细龟”黄一山以演出星爷的电影而闯出名堂，他与老婆近年主力从商，同时积极经营社交平台。他最近在抖音平台分享在酒吧商演的片段，见到他非常落力卖唱，跳舞跳得好兴奋，不过台下大部人都各有各玩没有理他，只有少数人在台前为他捧场。

黄一山长子患先天罕见病

黄一山的长子黄颂衡在7岁时证实患上先天罕见病“脑白质发育不健全”症，生活上不能自理要坐轮椅，黄一山曾接受访问表示一开始难以接受，“香港只有二三十个，六合彩都易中过佢，偏偏选中我。”被问到有否怨天怨地？黄一山直说：“早期有，你话我IQ好蠢，自己IQ正常100但我得80，我自己都低能就唔好期望个仔咩啦。我都几聪明嘅人，我老婆又唔系蠢嘅人，谂住生个仔好好培养佢，点解会出现呢啲呢。”

他曾上网找资料，指大儿子这个病大多只能活到十几岁，部份更会先失明后才离世，但在家人悉心照料下，颂衡现在已接近30岁，黄一山感恩儿子能常在家陪伴父母，并抱乐观态度说：“我个仔都就快30岁，医生话十几年会bye bye，但又多十几年，只要唔好怀住悲观嘅心可能有好嘢出现。可能我个仔多十几廿年命，我都系十几廿年命，咁可能大家去极乐世界，更长命都冇用啦，我唔使牵挂佢，佢又唔使牵挂我。”即使现在科技有机会在脑植入脑白质治疗，但黄一山觉得未必适合儿子，又担心是初研要做白老鼠，所以未有考虑。

至于次子黄颂匡近年在内地攻读硕士，黄一山坦言花了不少金钱在儿子的教育方面，他说：“佢喺内地读国际学校，一个月十万八万，之后英国读三年，英国一年都几十万，用喺细仔身上都唔少。我成日话如果人破产，连呢件衫都要除埋俾人，但（指脑袋）攞唔到，你畀一亿佢都冇用，可以败晒你一亿，输突，但你畀佢读书，都有机会东山再起。”黄一山一家现居番禺，两兄弟感情要好，黄一山说：“细仔依家喺北京大学读硕士，工作多在北京、上海，但佢宁揾深圳同香港工作，逢周六日就可以返嚟睇哥哥，佢话好挂住哥哥。”认真是手足情深。