王祖蓝今日（24日）出席国产电动车活动，指自己已转用电动车多年，有时要北上工作，拖著行李，一架车真的不足够。近日由边佑锡及IU主演的韩剧《21世纪大君夫人》成为热话，亦有网民指觉得王祖蓝与边佑锡似样，封对方为“高版王祖蓝”，祖蓝闻言非常惊讶说：“吓？唔系呀嘛？而家啲年轻人咁早老花？咁早对眼有问题？唔会呀嘛，点会呀？”他说如果真的有人这么说，希望有网民帮手将他的头P上边佑锡身体，“我再话俾我老婆听，嗱，人哋话我似韩星！等我老婆开心返少少，唔好成日净系话我中年发福。”

凸腩被李亚男勒令减肥　拒操朱古力肌自嘲大只会似改图

日前祖蓝在社交平台贴出一段露肚腩的片段，加上被太太李亚男嫌发福，他直言：“我太太第一件事已经勒令我减肥，第二样嘢我发现出面都有好多人想我减肥，有啲客户问我系咪真系咁肥，话‘我想赞助你减肥’，咁几好㖞，睇吓呢排系咪真系有生意接，咁又可以减肥，又可以接生意。”对于是否真的会下定决心减肥，他指自己蠢蠢欲动，但“减肥永远都是明天的事”，问到想纯粹减肥还是乘机操大只，祖蓝表示难以想像变大只是何模样，可能大家都会以为是改图：“冇办法想像个效果系点样，我见到陈奂仁就系咁，我每次见到陈奂仁啲相我都觉得系P嘅，但系其实陈奂仁系真嘅，我都会想像如果我变大只咗，好似P咗个头上去咁，我个心理未过到自己个关口，但系我亦都好奇，每次老婆情人节都话想要啲朱古力，唔系牛奶朱古力，佢话老公可唔可以要啲‘朱古力肌’，我话你死咗条心！”

冇信心变“肌肉人” 更遭囡囡驳嘴嫌弃身型

祖蓝透露客户都有询问，若赞助他减肥，他可有信心变“肌肉人”，他果断回复：“我冇嘅。”但不讳言想送这份礼物给老婆：“我老婆都想好耐，佢话‘我识你嘅时候唔系咁㗎！’（记者：但佢识你嘅时候都冇朱古力肌。）咪就系啰，只系一粒糖咋嘛𠮶阵时，但系呢啲对白两公婆就系咁，不过我话俾你听，我识我老婆嘅时候同而家一样都系咁靓。”

祖蓝更说就连囡囡都嫌弃他的身材，因为他大女有Baby fat，所以他会叫对方控制进食顺序，而囡囡亦相当听话，不过就会驳嘴：“佢话‘爸爸，点解你唔系？点解你食两碗饭三碗饭？我唔提你喇，你肥啦！你肥啦！’佢直程呢个态度。”问到现时能否同时抱起两个女儿，祖蓝即非常激动：“你生过未呀？边个话俾你听可以左边一个右边一个，一个五岁一个七岁……你以为我系边个？我而家半个都举唔起，唔得㗎喇已经，我试过有一次硬顶，条腰即刻要去睇物理治疗！唔系讲笑，真系搞唔掂，过咗𠮶个年纪。”