ViuTV原创剧《 COURT!》剧集分为3个单元，讲述基于不同观点角度、难以致信的巧合或为了维护更公平的法律原则，都影响著所有案件在法庭上的细节，令最终“真相”的呈现，面临著不同挑战和考验。

陆骏光与欧镇灏饰演警察

《COURT!》除了有多位律政界猛人外，亦有刑事侦探组的警员，欧镇灏（George@P1X3L）和陆骏光分别饰演的角色德仔和肥祥为其中两员，二人分享今次拍剧的心路历程。

陆骏光本色出演Hea警

陆骏光饰演的肥祥是警察小队中的阿头，陆骏光形容角色：“佢系一个做咗好多年，但亦都系好有谂法嘅一个警察，佢就唔系为咗要破案去扎职嘅人，佢系比较实在嘅人，冇乜野心，好安份守己，但佢又唔想同人争，系一个想揾真相嘅人。所以就成日会畀人觉得，啲同事会觉得我系比较Hea Hea地。因为人哋想破案，破案就可以升职。但我就唔系一个咁嘅人。但我又系𠮶Team人嘅阿头。我啲同事就会觉得你条友唔掂㖞咁样做嘢，觉得我太淋。”

他与编审潘漫红相识多年，“佢一见到我就话个角色系我嚟，其实个角色系一个Humble，知道好多嘢但又唔出声，唔敢嘅人，好多人都会讲了解嘅嘢，但未必系啱，但我就唔出声，我就默默去揾真相嘅人，变咗好似有少少唔合群。”他续说：“咁我有咩同佢似呢？我都系好多时唔出声嘅，我觉得我出声都会改到佢嘅谂法，但我做嘅嘢就会话到畀你听乜嘢系真相，乜嘢系啱，或者我自己嘅Believe，所以我用咗呢一方面去做个角色。”

欧镇灏George摆脱弱鸡形象

George饰演的警界新血德仔是一位初入行的刑事侦探组组员，“佢系一个对于查案系好有热诚嘅一个人，佢喺组入面系渴望被认同，默默地做好多嘢，系一个做得嘢嘅𡃁仔。今次对白未必有太多，但系反而有更多做戏嘅机会，同埋多咗好多观察。”他续说：“非常之感激Elaine姐（监制朱淑仪）畀咗好多机会我，我觉得呢个机会对自己演艺生涯上系需要，佢畀我嘅唔单止系一个演出机会，系另一套剧系饰演第二种性格嘅人。我觉得有点似《树大招风》𠮶种感觉，脑海里面系《PTU》嘅感觉。”

不论演大小角色都同样认真面对，他认为：“Even一个细角色，都需要花好多时间、心机去做好佢，就算个Cam冇畀你大头，都会影到你，你都要畀观众知你系做紧戏。”他又谓：“我在意嘅唔系自己演技有几好，而系有演𠮶个特质喺里面，我想畀观众见到我可以有好多唔同嘅演技，唔一定我每一次演嘅角色系好懦弱，或者系一个中学生，其实慢慢随住自己年纪我会想揾更加多唔同面向嘅角色去做。”