李家鼎（鼎爷）上次公开露面是在前妻施明丧礼，他当时暴瘦至120磅，且面容憔悴、走路都要人扶，与昔日中气十足的形象成强烈对比，令网民极其担忧其健康。细仔李泳豪于十日前接受无线娱乐新闻台访问，就透露鼎爷之前胃口不佳、吃不下咽，因而暴瘦，幸好已慢慢恢复当中、脸部也慢慢长肉：“佢系完全冇胃口呀！就算我哋带佢出街食饭或者我太太煮饭畀佢食，佢可能食少少就饱，其实佢就冇乜心情食嘢，但依家就调理紧啦，好咗之后佢开始有胃口啦。佢话阿仔呀，我做咩依家食完一个钟我又肚饿喇㖞，跟住我同老婆话好啰，咁跟住依家开始有要求啦。有一次买错嘢畀佢食，谂住清肠胃买啲粥，佢话佢想食鸭腿汤饭，佢依家最想食鸭腿汤饭。”被问到身体有没有事时，他则表示已经做了身体检查：“冇事，其实真系营养问题，食得唔够，营养不良为主。”

豪仔日前预告即将重新营运YouTube频道，会与鼎爷父子档出镜，但需等对方“靓仔啲先”，他说：“爸爸都想同大家讲声多谢，同埋就系交代吓自己情况，但系佢话想再靓仔啲。我想同大家讲，鼎爷而家靓仔咗好多，但系佢话未够，俾佢老人家休息多一阵先，佢想以一个好啲嘅状态出嚟同大家见个面。”而今日（25日）下午时分，豪仔贴出与鼎爷的合照，两父子原来去饮茶，见鼎爷面露笑容、颇为精神，面部也比之前消瘦凹陷的时候长回少少肉，他还做出“揸枪”手势，情况似乎令人放心不少。豪仔说：“精神💪🏻阿爷好快可以同大家见面😊”