由陈志云担任主持的HOY全新节目《云游四海》已经拍摄完毕！21日的旅程共去了3个国家， 陈志云亦表示尽兴而归：“我好少离开香港咁耐！今次行程紧凑节目一流！我带咗三个喼嘅衫， 过程又要转酒店，搭飞机同转火车， 所以都好想返屋企抖下！不过讲返呢个旅程都好温馨同好快乐！去咗好多地方， 见到好多唔同嘅人， 而佢哋亦都用生活说好香港故事， 将我哋香港嘅文化带畀外国人认识， 等佢哋知道香港有几好！”

陈志云自爆在法国狂购物

难得去到时尚之都，又点会忍到手， 陈志云分享了在法国的趣事：“我谂今次嘅酬金都唔够我买嘢啦！去到法国本来谂住买唔到嘢， 因为佢哋啲人都好瘦， 仲要系女装， 点知喺𠮶度都买咗三套衫！系unisex， 好靓好靓！我唔知自己有冇肥到㖞！因为未上磅， 块面就圆咗， 可能系饮得太多水啦！哈哈哈！”

陈志云否认对达哥不尊重

提到他的YouTube频道， 最近播出访问网络红人达哥的一集， 被网民质疑对达哥零尊重， 讲错达哥的姓氏， 亦将于香港大学毕业的达哥， 讲错成中文大学。对于这些评论， 陈志云亦大方回应：“首先我点会唔尊重佢呀? 佢系我请返嚟嘅嘉宾， 同埋有时口快快讲错咗， 我都成日都畀人讲错个姓㗎啦! 我唔觉得有咩问题！所以我就冇理𠮶啲留言， 如果达哥自己觉得系咁嘅话， 我会道歉， 但佢都冇咁嘅感觉！我哋仲话嚟紧可以做啲crossover， 我哋都不知倾得几开心呀！可能佢啲fans太爱佢啦！”