“无悔三兄弟”王智德（Alton）、杨乐文（Lokman）及何启华（阿Dee）今日出席ViuTV剧集《喜剧开场》记者会，这套剧是改编自同名日剧，讲到三位好友十年来追梦的故事。现实中三位入行前已是好友，问到入戏会否更易，Alton认同今次热身时间很短，甚至无需热身，一入去已有感觉，拍摄十分顺利；而Lokman就觉得无论是开心或卡关的时刻都十分享受，即使是卡关，创作团队都会想办法合力解决，慢慢将整套剧拉去同一个频率与节奏，至于阿Dee就坦言，起初都会想东想西，但大概一、两星期后已全情投入：“一action大家都投入，初头好多嘢谂，但系后来拍拍吓都谂唔到咁多嘢，谂嚟都冇用，做唔到咁多， enjoy啦！”

回看中学校服造型　Dee：我生得有啲急速

预告片中见到会有三位中学时的回忆片段，问他们见到自己著校服有何感觉，阿Dee笑言：“我系生得有啲急速嘅中学嘅时候，我觉得佢两个冇乜嘢，但系望我自己就觉得very急速。”Alton之前拍《社畜再培训先导计划》时要著小学校服，所以今次著中学校服实属小儿科，他表示：“我好似每一次拍剧都要着校服，仲有得着！”剧中三位主角的经历，与他们现实追梦也有相似，Lokman坦言睇到预告片内心都有涌动：“唔知点样，系好投入角色定系可能呢个剧本同我哋都有啲好似嘅地方，就好似经历返一啲嘢，而同时间可能我哋拍嘅时候，我哋系隔住隔住，咁佢今次相对系一个完整啲嘅时间线咁样去睇，就有种暗涌，少少暖暖哋嘅感觉喺度，有啲感慨、感叹嘅感觉。”阿Dee也回忆起大约十年前左右，有句说话是“趁年轻有个窦”，很多艺术从业员都会在工厦租工作室、做创作、夹band，自己都经历过这些日子，所以特别有感觉，亦相信曾在工厦追梦打拼的朋友都会有共鸣。

Alton首次有感情线　与许月湘关系“白热化”感觉良好

今次三位会有感情线，并各自形容自己的感情桥段，Lokman说“含糊”、Alton说“白热化”、阿Dee则是稳定。Alton与许月湘为一对，而阿Dee则与“校花”林千渟交往十年，Alton直指自己很少有感情戏，有时就算讲好有感情线，剧情都未必有足够时间培养，但今次与许月湘合作得很好：“我哋冇任何友情或者认识嘅基底，但系对手好好，未埋位嘅时候，我哋都会交流，都会好舒服，所以好快打开咗自然之门。”

Lokman入围釜山电影节最佳男配角：咁大件事去体验吓

此外，Lokman早前凭《存酒人》中“阿当”一角，成功入围釜山电影节《2026全球OTT大奖》（2026 Global OTT Awards）“最佳男配角奖”，他感谢监制、导演和编剧看到自己，选了自己做“阿当”，然后才有机会凭此角色去不同地方见识，“咁大件事都要去体验吓，见吓其他国际巨星都好！”虽然身边有“韩文担当”Alton帮手，不过Lokman怕自己学完都背不好，到时口窒窒，所以宁愿稳稳阵阵用英文跟当地朋友沟通。

舞台剧观众台下争执　Lokman感可惜：睇戏都系为开心

谈到主演舞台剧《关于那只龟回魂的故事》早前爆出袭击事件，一名男观众因不满坐在旁边的女观众在演出期间不断与友人交谈，屡次劝阻对方无效后，他忍到谢幕一刻终于爆发，突袭女方眼部连挥三拳，导致女方左眼瘀伤、额头流血并大叫“救命”。最终警方接报到场，以涉嫌袭击致造成实际身体伤害将该名男观众拘捕。而根据观众所讲，二人争执声量甚至惊动到演出者，Lokman就以第一身忆述当时情况，承认有吓亲：“当时有吓亲，冇遇过嘛！但系当下唯一做嘅，就系我自己唔好理咁多，专心讲好句对白，专心同对手交流，令大家一齐返返去你嘅世界度，𠮶时真系个意志力好坚定呀，我觉得！”

对于睇舞台剧竟酿成流血事件，Lokman直言可惜：“系可惜嘅，因为大家入嚟睇戏都系为开心，所以就系啰，尽量唔好啦。真系唔好，有啲嘢你系开心，但系你最后唔开心，咁咪即系违背你初心啰，系咪先？”提到剧作口碑载道，并且有多位前辈捧场，Lokman十分感谢各位喜欢，表示作品有好的回报，整个团队都十分满足，收到大家的支持和鼓励亦感到温暖：“有啲人话佢哋前排宠物离世咗，但系睇完呢个，有一个好好嘅哭泣时间可以令自己舒缓一下，同时间发现原来个位仲喺度，可能佢哋物理走咗，但系佢哋个爱仲喺度。”

阿Dee被爆Leggings当面裤著　Lokman：可能抢镜头

最后，提到6月7日三位将举行《与无悔三兄弟喜剧爆笑开场》演出，阿Dee形容是“天跌落嚟嘅礼物”，指大家一起填充这个时间，再送给支持者。Alton说：“《喜剧开场》都系因为我哋三个去做演员嘅呢个身份而出现嘅一个show，我哋开过会啦当然，我自己会觉得，今次呢个show系有挑战性，系有个胆色喺入面，咁我哋希望大家enjoy，一齐做呢个实验。”讲到阿Dee近日被ERROR队友爆料，指他参加《造星》时只著Leggings，Lokman难以置信：“有羞耻心㗎嘛？可能抢镜头啰，𠮶时已经用呢啲喇喳招。”而阿Dee亦表示自己已忘记了为何会这样做，可能纯粹因为冇咁热，当记者叫他6月7日再著，Alton就以：“有胆色！”来作结。