专访丨张达伦前度与太太关系好 视黎芷珊为知己 ：100%唔会害我
提起张达伦，很多人会联想到“黎芷珊男朋友”这个曾经的称呼 。当年只有25岁的他，与年长十二载、知名度较高的黎芷珊相恋，外界总带著有色眼镜看待。但张达伦坦言，当时根本没有压力，也不介意这个标签。“你知道佢知名度高过我，𠮶一刻，咁可以点呢？无必要介意呀，我好清楚每一样嘢。其实我个人好简单，爱就爱，爱一个人啰，我又唔会去沙沙滚，唔系啲咁嘅人 。”
黎芷珊迎事业高峰后分手
两人相处的九年里，步伐一致，互相扶持 。在芷珊转战娱乐台、因中文不好而苦恼时，张达伦默默在旁帮她修改稿件；他更不断鼓励芷珊大胆尝试制作《最佳男主角》访谈节目 。然而，命运总是爱开玩笑，当芷珊凭该节目迎来事业高峰时，却也是两人决定分手的时刻 。“呢个世界好邪嘅，我哋分手𠮶一刻，就系佢最成功嘅一刻。所以我都唔知系咪我克住佢？ ”
分手的导火线，并非不爱，而是两人对人生蓝图的分歧。随著年纪增长，张达伦开始渴望组织家庭、生儿育女，但芷珊明确表示不需要家庭和宝宝。“大家坐埋一齐倾，觉得将来会系点 。大家都好明确咁知道，突然间呢啲问题就出现咗。”
霸气平反“掟煲唔掟盖”：好Out嘞！
难得的是，两人和平分手后，没有恶言相向，反而成为了无所不谈的“知己”。“我生命之中，几感恩遇到佢（黎芷珊），事无大小，佢有咩事，我有咩事，除咗我老婆之外，我就系同佢分享，我有乜问题就同佢倾吓。人生有几多个呢啲知己，有啲嘢同男人讲唔到，就算识咗三十年嘅朋友，但芷珊唔同，佢曾经系我另一半，好多嘢佢好清楚我性格，有啲嘢可以同佢分享，大家互相信任，我知佢唔会害我，100%㖞，呢样嘢好难得，一个屋企人咁济。”
对于外界曾有“同一时间有两个女人”的难听闲言，张达伦霸气平反，表示现任太太不仅毫不介意，芷珊更会每年出席他儿子的生日会，甚至大家一起去旅行 。“大家知𠮶件事发生咩事，点解你哋会咁谂嘢，感情去到咁上下年纪唔系咁去分辨，咩掟煲唔掟盖，好Out嘞，过咗就过去，𠮶段情感先系最紧要。”
爱屋及乌 财政大权全交太太
告别旧爱，张达伦迎来了现任太太陈凤玲（Kimmy），对于太太曾经离婚并育有一女，他展现出极大的包容与爱屋及乌的心态 。“我识佢𠮶阵已经知佢结过婚，亦知佢有个女，介意啲咩呢？如果你系一个男人，你更加要爱佢个女。我唔需要做爸爸，因为佢本身已经有个好锡佢嘅爸爸，但我会做佢一个好朋友 。”
经历过年轻时做模特儿不懂理财、欠下卡数的窘境 ，现在的张达伦极度重视家庭的安稳。他将自己赚到的钱，全数交给太太管理 。“赚得多畀老婆，赚得少又畀老婆 。因为我觉得，呢个都系一份安全感嚟，我唔介意，我真系一啲都唔介意。我觉得几开心吖，我又唔使烦咁多 。”
妻儿移居澳大利亚 孤独与角色沉重诱发抑郁
然而，为了给9岁儿子张凯硕有更适合的教育环境，张达伦做出了痛苦的决定。他不认同香港的高压教育，决定让太太带著儿子移居澳大利亚生活。“我未试过同阿仔老婆咁样分开 。我以前摆好多时间喺佢哋身上，我真系一个收工唔瞓觉都要送阿仔返学嘅人，一得闲就陪阿仔陪老婆 。”
妻儿离开后，加上当时行业步入寒冬，经济压力骤增 。更致命的是，他同时接拍了 ViuTV《COURT》（法与情）及《地狱大状》 ，饰演一名患有惊恐症和抑郁的重度情绪病律师。孤独的现实与沉重的角色双重夹击下，张达伦的情绪彻底崩溃了。“我都唔知系个角色令我踩咗入去，定系我自己嘅经历令我踩咗入去。我返到嚟之后，佢哋（同事）见到我好惊，我朋友见到我都系，因为我平时成日笑笑口，突然间无晒笑容，眼神好空洞 。”
那段时间，他每天被负面情绪包围，甚至萌生退意 ：“我日日都喺度谂一啲唔好嘅事，我系咪应该离开？我系咪应该飞返去同佢哋一齐生活？ ”他尝试透过疯狂做运动来排解，但无济于事 。最终，他选择勇敢面对，求助心理医生并接受药物治疗，慢慢将自己从抑郁的黑洞中拉出来 。