伍富桥日前参与“PPA 亚洲职业匹克球巡回赛 500 澳门公开赛 2026”，期间简慕华、黄德斌、谢东闵、黄子桐与林颖施，以及匹克球选手梁豪天、王康杰、Collins JOHN、Len YANG、前奥运金牌得主李小鹏等较技，他更获在场艺人推举为最好技术的艺人，他受访时表示“唔敢当”，称自己只是贪玩，自上年开始就花很多时间打匹克球，又爱跑山、打波，于是今次就报名打匹克球业余赛，期待与国外排名最高的选手切磋。

太太同行挂住澳门揾食未入场观赛

问到太太梁兆楹（Shirley）可有到场支持，伍富桥透露太太有去澳门，但未有入场：“我谂佢会想嚟偷跳多啲，过嚟食吓啲葡挞、嚤啰鸡，佢已经不停send紧相俾我话佢食紧呢个，问我做紧咩，即系佢引紧我，总之大肚婆开心就得㗎喇。”他指太太很少睇他比赛，除了唯一一次在香港的小型比赛之外，笑言：“𠮶次我入到打八强，佢就八强先到，可能我俾咗好大嘅信心佢，觉得起码会打到四强或者决赛，点知佢转头话好肚饿，𠮶时未知有咗，佢话好肚饿，出去买啲嘢食先，买完返嚟已经输咗！可能有啲咁嘅经验，佢就话唔嚟睇你，费事你咁大压力。”

一早估到陀B仔 认曾恨生女

Shirley目前正怀孕四个多月，BB乳名为“伍梁液”，日前两夫妇举办Baby Shower，宣布正在陀B仔，伍富桥剖白自己的心情：“其实讲真，第一下心情系……我原本系一路想系女，但系我其实心里都有一个，暗地我知道应该会系仔。”他说因为自己家族历史，他大嫂、堂大嫂、母亲全部都生仔，所以他相信太太都大机率生仔：“但系我就自己深信，有信念，吸引力法则！但系当𠮶下‘Pop！’我知道系仔，又唔好话有失望，反而只不过系‘哦，原来系仔！’对我嚟讲仔女都冇乜所谓，有自己嘅小朋友都系会爱锡，所以冇唔开心。（记者：再追女啰！）搞掂咗呢个先，已经有三只狗五只猫。”伍富桥表示其实太太一早知道是仔，但隐藏得好好，他自己亦希望保留惊喜，待Baby Shower才正式揭晓。

感恩太太零孕吐情绪佳比过往还开朗

讲到Shirley怀孕后身体和情绪有没有什么变化，他感恩表示：“呢个真系要俾返个Credit我个仔，So far到而家四个几月，我太太都冇呕过一次，真系冇呕过一次！有想作呕，但系冇特别好唔舒服，所以真系多谢我太太。”至于情绪上，他指Shirley甚至比以前开朗，笑点还低了，“成日都好开心，我都好开心佢好开心，因为孕妇嘅心情都好影响日后个小朋友，所以我自己都非常努力，令到佢每日开心。”而他也要准备好由“丈夫”变成“爸爸”的心态，觉得责任大了，亦需比过往成熟，也预计好之后会少了时间做运动：“但系我冇任何怨言，我觉得系应该，打波几时都可以打，但系小朋友你错过咗佢嘅成长就错过咗，所以对我嚟讲冇嘢，再加上好快都可以同佢一齐打，所以OK。”

避谈马贯东卷李家争产风波

近日“李家风波”成为全城热话，日前更惊爆原来李家鼎现任女友Viva为马贯东母亲，周刊更指马贯东母亲也加入“争产”，伍富桥过往曾与马贯东合作，问到可知对方与鼎爷关系，他说合作时甚少讲家事，因此睇报道才知道，但不会太惊讶：“我唔太八卦呢啲嘢，大家都系成年人，同边个一齐、点样都系大家嘅选择，所以我唔会评论呢件事。”他认为也无需特别关心对方，相信对方能处理，不便打扰；至于曾否在电视台被欺凌，伍富桥表示：“托赖又真系冇，冇试过比前辈欺凌，好彩，就算有都系误会，所以冇乜太过唔开心嘅时候，so far喺公司都系开心，所以OK。”