李蕙敏（Amanda）于2013年踏入人生的新阶段，与英籍商人Serge Micallef结婚，并领养小男孩Michael，一家三口看似幸福，但最近却有消息指李蕙敏惊传婚变。报道指李蕙敏的社交平台鲜有出现老公身影，就连旧有合照都被删走，有传媒更称拍得她与一名中性打扮的外籍女性密友态度亲暱，一起出入夜店，对方更用手搭实李蕙敏大髀，因而怀疑李蕙敏婚姻出现问题。其实李蕙敏在本月中播出的HOY节目《九运会客室》中，曾透露自己目前的婚姻状况，被问婚姻是否开心，她说：“开心！总有唔开心，有咗小朋友好唔同。”虽然以“Darling”称呼老公，但她就不讳言二人有文化差异，常为鸡毛蒜皮的事情争吵。

原生家庭缺爱　曾表示老公与儿子让她重生

李蕙敏早前接受《01娱乐》专访时，剖白童年在打骂中成长，21岁惊悉自己是养女，相处多年的父母跟自己原来冇血缘关系，又讲到童年很缺爱。问到现时与老公和儿子组织的家庭，能否弥补过往伤口，让她重新感到爱，Amanda说：“我谂都系㗎喇，起码我叫做complete咗呢个家庭啰，我觉得系㗎喇，唔系，我反而觉得系重生……好似一个next life，脱离咗我以前小朋友𠮶个圈，变咗我自己一个圈。”她又讲到自己一直恨要小朋友，但不会为要而要，不会做单亲妈妈；访问中未见任何婚变端倪。

月初受访谈婚姻苦乐　因一件事认定老公

此外，她亦接受了HOY节目《九运会客室》主持李凯贤（Brian）与伍咏薇访问，其中亦有分享婚姻的苦与乐，自爆叫老公做“Darling”。讲到为何认定了老公，她忆述当初：“圣诞节佢家人唔喺度，佢冇返乡下，就话你可唔可以同我decorate屋企个圣诞树，我就谂紧几sweet㖞，我未做过呢件事。我觉得好得意，好似小朋友，有我只袜，写住‘Amanda’，我真系感动到喊！我觉得呢件事好开心，好family，同埋好pure。”主持问到他们结婚多久，Amanda窒一窒，再说：“十几年啦，好快。”

婚姻开心但会因文化差异争吵：佢想抌我啲50年咸柑桔

Brian问婚姻开心与否，她直言：“开心！”隔半响后补充：“总有唔开心，我会睇，有咗小朋友好唔同。”她也坦言二人会嗌交，现时已很擅长用英文争吵，讲到会因何事争吵，Amanda笑笑说：“通常都系为咗鸡毛蒜皮嘢，有啲你会笑嘅嘢，呢啲就系culture，咸柑桔呀！佢想抌我啲咸柑桔！50年！我真系同佢死过！佢唔知咩嚟，佢话系咪expired（过期），佢成日check住个日子，我叫佢唔好抌我啲鲍鱼、佛跳墙……”当伍姑娘再问可有因大事争吵，她似乎没听见，续道：“佢个人好Drama，你又要大声过佢。”

不甘被儿子说“很弱”　奉陪与老公吵架

谈到要老公性格哪个强哪个弱，Amanda坦言自己很随和、不拘小节，但后来学识不会示弱，因为囝囝曾指觉得她很弱，令她非常在意：“佢如果要嗌交我都会同佢嗌，因为我唔可以示弱，because有一次我小朋友同我工人讲‘mami is so weak’，我原本就系忍，但系有时条气又唔顺，但系当我知佢原来咁谂我就‘唔得，我一定要嗌返转头！’”之后轮到伍姑娘问她婚姻是否快乐，她再答：“OK嘅，唔好再抌我啲嘢就得！”