娱乐圈近日爆出惊人传闻，有消息指艺人马贯东的母亲原来是李家鼎（鼎爷）交往20年的女友，近日更传出她与鼎爷次子李泳豪闹出争产风波。事件随即引来各方关注。今日（28/5）马贯东的好友阮政峰出席活动时，接受《香港01》访问时首度就此事发声，透露了他对好兄弟私事的态度。

强调不应多过问 阮政峰：阿东最惊呢啲嘢

被问及有否传讯息慰问深陷争产传闻的马贯东。阮政峰坦言自己并未发讯息，并笑指：“唔使啦，佢都有回应，我觉得佢都表咗态，咁我作为好朋友咪支持。咁大个仔，同埋咁大个人，唔使俾短讯佢，同埋佢最憎呢样嘢。”

被问到知否马贯东母亲是李家鼎女友？阮政峰则认为，即使关系再好，每个人都有底线：“深交都唔会讲呢啲嘢㗎！你会唔会同啲深交讲呢啲？唔会嘛，始终朋友之间一定要保持一定的距离。”他强调，尊重朋友的隐私是相处的根本，不代表是好朋友就必须要把家事全数和盘托出。

闻阿东母是鼎爷女友阮政峰不觉惊讶

对于传闻指马贯东母亲是鼎爷的另一半，被问阮政峰得知消息时会否感到极度惊讶，阮政峰表现得相当淡定，反问：“点解要惊讶？”他随后解释：“呢个世界咁细嘅啦，咁同埋唔系更好咩？几好呀，冇问题呀，即系我觉得如果鼎爷冇问题，阿东妈咪冇问题，咁咪冇问题。同埋我觉得鼎爷最近发生咁多事，不如大家俾啲空间佢啦，我觉得再讲呢一啲嘅嘢唔会对件事有啲咩特别好处，大家有好多嘢可以关心。”