洪嘉豪近日出席香港建造学院开放日，担任“建造音乐C”与学生大玩游戏，佢表示自己都属于“Gen C”，与年青人未见有代沟：“我系 Construction（建筑）𠮶个 C，佢哋系 Gen Z！其实建筑嘅嘢我本人可能砌个柜都应该唔得㗎喇，最畀心机砌嘅可能系我嘅赛车模拟器𠮶个车，而架车就要太多器材所以交返畀专业人士解决啦！”

洪嘉豪怕AI复制DNA代产子

洪嘉豪笑指“超级唔与时并进”，依旧用最“熟手”方法做歌：“我知依家好多人用AI做歌，即系个世界嘅发展都会继续，但我自己本人都系认为音乐系应该系有血有肉嘅，即系都应该系自己整会好啲，所以暂时喺音乐上就未用到AI。我好怕AI会侵占咗我个人生，或者…… AI攞咗我啲头发去复制咗一啲‘洪嘉豪小朋友’出嚟！其实而家啲机械人系攞嚟表演㗎，所以就第时即系连dancer都唔使请，会唔会连我都用埋机械人悭返请我呢？”

谈Gareth.T 新恋情

早前Gareth.T（汤令山）新歌卷入风波，嘉豪表示自己忙于开工，未有细味好友作品：“真心嘅，上个星期就做完自己个人演唱会，一星期开咗六日工，未有时间细味 Gareth 首新歌。别人嘅音乐呢，就别人自己评论返，对我嚟讲所有音乐都系好嘅。（恭喜咗佢拍拖未？）呢个就未恭喜住，因为佢未确认嘛。真唔真都恭喜，系喇，但系求证呢就问返佢喇。”