丁子朗昨日（29日）出席TVB节目巡礼活动后接受《香港01》访问时，大谈拍摄亲热戏的经验。他入行以来参与过不少亲热镜头，包括在《青春不要脸》中与戴祖仪的多场激烈吻戏，其丰富经验让他发展出一套“专业吻戏之道”。

吻戏非享受 九成时间都好辛苦

不少观众可能以为拍吻戏是一件美差，但丁子朗却有不同看法。他直言，除非双方真的是情侣，否则吻戏在现实中并不“享受”：“其实唔系大家想像得咁享受，咁enjoy嘅！除非𠮶个真系坚嘅，如果唔系嘅话九成都唔系enjoy嘅，所以都好想快啲拍完就完。咁因为亲热戏比平时对白甚至打戏都难，打戏拳拳到肉就好睇㗎喇嘛。但亲热戏系𠮶个感觉，有时导演都未必捉得好好，我哋演员都未必捉得好好，咁所以拍完唔啱mood，我哋锡咗但点解都冇火花嘅呢，可能要大家配合，所以拍亲热戏好难好辛苦，唔系大家想像中咁容易。”

强调“沟通”与“信任”是拍吻戏关键

面对吻戏，丁子朗强调“沟通”与“信任”是关键，他透露自己会主动与对手戏的女星讨论细节：“最紧要系同对方沟通得清楚，对方知道有个信任喺度，知道我哋嘅界限做啲乜嘢系ok，做啲乜嘢唔ok。因为我都怕有时女仔尴尬，我会主动去讲，阵间大约镜头喺呢度，我会点做，做到呢个位就唔做㗎喇，你觉得ok唔ok？”

丁子朗笑言与戴祖仪因为本身是好友，所以默契十足，但被问到最难忘的经历时，他提到一次在内地拍戏的经验：“𠮶场戏其实都唔系啲咩锡戏，即系蜻蜓点水个额头咁样，尽管系咁样都好似攞唔到个感觉，可能我本身真系同佢唔系好熟，亦都未合作过。”他表示最后要靠导演运用灯光和梦幻氛围来补救。

庆幸未遇过欺凌

被问到圈中是否存在欺凌事件，丁子朗则表示自己很幸运，多年来未曾遇过：“即系而家社交媒体咁发达，大家都唔会去做啲特别过份嘅嘢，如果系可能会畀人摆上网。（有冇听过其他人有欺凌事件？）即系我认知或者我眼见啦都冇啰。”