杨思琦早前出席节目录影时被伍咏薇爆料，指她当年拍剧时被前辈带头排挤，导致当场崩溃落泪，事后网民推断涉事剧为《翻叮一族》。事件引起不少关注，有份演出该剧的陈曼娜接受传媒访问时就撇清关系，澄清并非集体欺凌，指当年是商天娥以及一位现已退出娱乐圈的年轻男演员与杨思琦“过唔去”。而在该剧与杨思琦有不少对手戏的王贤志昨日亦于他的IG上载了剧中一些片段，发文表示：“因为最近一连串嘅新闻，令大家又再留意杨思琦，连带佢人气都迅即“翻叮”！”并谈及与杨思琦合作的感受。

重提两人拍摄打斗强暴戏经过

王贤志写道：“杨思琦系2001年嘅港姐冠军，原来我同佢都有过一次难得嘅合作。当时我喺一套剧入面同佢有好多对手戏，剧集原名叫做《鸭寮街啲金蛋》，到香港播嘅时候就改咗名叫《翻新大少》。我客串𠮶几集，饰演剧中主角蔡子健同杨思琦嘅上司，表面做得嘢、一表人才，但其实系个衣冠禽兽，一直对杨思琦嘅美色虎视眈眈，千方百计想氹佢上床！”他特地提及其中的一场戏说：“呢套剧系2003年年底拍嘅，有一场好重要嘅戏。当年为咗用实景，特别book咗屯门一间别墅嚟拍，一拍就拍通宵。因为𠮶场戏唔止有文戏，仲有打斗同强暴戏，对于拍剧经验好少嘅我嚟讲，真系压力好大，紧张到爆！好彩思琪妹好专业，我哋大家事先沟通清楚，知道点样就位，免却尴尬，所以拍摄十分顺利！”

特别多谢杨思琦

王贤志又多谢杨思琦说：“讲真，我从来未试过同女性有亲密接触，真系唔知呢啲戏应该点拍，所以要再次多谢思琪妹嘅配合！另外，仲要多谢佢一样嘢，就系到咗2018年我做东华主席𠮶阵，我为《欢乐满东华》构思咗一个特别环节，想集齐港姐、亚姐同华姐嘅冠军一齐行Catwalk，当我一打电话俾佢，佢二话不说就应承，仲成为佢离开TVB之后，第一次返TVB亮相嘅节目，真系万分感激！我非常欣赏杨思琦多年嚟都不屈不挠，唔理外界所有闲言闲语，继续努力工作，做好自己！呢一刻嘅我，都真系要向佢借镜同学习！”大赞杨思琦的坚毅不屈精神。