陈瑞辉（Frankie）担纲的《小男人周记》音乐剧日前宣布终极加场、载誉重演，当初郑丹瑞（旦哥）一句“我想Frankie做梁宽呀！”成为他最大的强心针。戏中的梁宽怕老婆、没主见、总是迁就别人；戏外的Frankie原来同样是个“小男人”，不论对队友、伴侣、家人，也习惯先照顾所有人的感受，甚至不知不觉间委屈了自己。这种性格，某程度上源自他中二时父亲因病离世的经历。面对情绪受药物影响、曾对自己动粗的严父，年幼的他曾伤心难过，同时因失去家庭支柱而自责过未能帮轻母姊重担，习惯性地收埋自己。多年后再回望，Frankie不但敞开心扉以此经历安慰身患绝症的网民，还学会理解父亲的爱，甚至表示：“如果唔咁做，就冇而家嘅我。”
形象：Calvin Wong
服装：STAFFONLY
发型：Seiko Sin @ Hair Culture
化妆：Cori Wong @ Annie G. Chan Makeup Centre

被旦哥钦点演“梁宽” 一句话成最大强心针

当年在电影与广播剧中，郑丹瑞饰演的“梁宽”深入民心，旦哥曾透露当初写好剧本后，苦寻多时都未找到最适合饰演梁宽的演员，结果蔡澜先生说，其实旦哥本人根本比任何人都适合，于是他才战战兢兢地接下这个挑战。如今《小男人周记》音乐剧载誉加场，旦哥一眼便相中了 Frankie，某程度上也跟蔡澜当日对旦哥的认无可一样别具份量。谈到这段奇妙的缘分，Frankie指源于之前《野人老师》的拍摄，虽然二人对手戏不多，但因为外景取景地远，每次拍摄便是一整天，所以他也有不少机会了解旦哥，同时庆幸对方还记得自己。得到这位“元祖小男人”钦点，无疑是一剂强心针，Frankie 坚定地说：“我只要相信自己就会做到𠮶样嘢出嚟。可能我自己都未必睇得到嘅嘢，旦哥就睇得到，我会好努力做返出嚟。”

在Frankie眼中，梁宽与他有著某种灵魂上的共鸣，却又在成长背景上截然不同：“我觉得佢系一个⋯⋯由细到大好受保护嘅一个角色，受家庭保护、大个出嚟做嘢又无风无雨，再到结婚，又有佢老婆保护佢。佢系一个好单纯、好无害嘅，唔会反抗嘅，好少可会顶嘴嘅，好就得人嘅一个角色。我都觉得呢一面系可以攞返我少少嘅自己嚟做梁宽，不过佢就由细到大好受保护，但系我由细到大都唔算话好受保护。” 回想起在片场与旦哥的相处，比起大道理，生活中的小贴心反而最让他铭记，尤其是Frankie当时自携恒温床供剧组作歇息之用，旦哥也曾表达谢意：“佢就话‘多谢你张床呀，好舒服呀，休息时间几好呀！’就系一个咁嘅关系，但系如果你话实质有啲乜嘢佢讲嘅嘢刺激到我呢，就系佢有讲过话……‘我想Frankie做梁宽呀！’其实‘我想Frankie做梁宽’呢句说话，对我嚟讲其实系好大㗎！因为我同旦哥又唔系好熟悉到大家知道大家谂乜嘢，但系点解佢会话‘我想Frankie做梁宽？’佢一定系睇得到佢心目中两款嘅特质喺我身上揾到，我都好想好想做好呢个角色去报答佢，旦哥你冇揾错！”

小男人背后是将别人放第一 常自我消耗

戏里的梁宽怕老婆、没主见；戏外的Frankie坦言自己在人际关系或感情里，也是个不折不扣的小男人，总是先迁就、包容和理解别人多于自己：“有时有啲决定，小事啲啦，今日食乜𩠌呀咁样，兄弟话我想食呢个，‘好啦，去食啦。’有啲人可能唔系㗎嘛，‘我想食𠮶个！’好有主见咁讲，但系我就永远就系‘哦！你想食𠮶个，我陪你食。’咁就系好似好冇乜所谓，但系其实佢自己系做咗嘢去包容一件事啰，去接纳咗人哋个决定，成为自己嘅决定。”这种永远把别人放在第一位的个性，有时候难免会让自己受委屈，甚至在不知不觉中迷失自我。Frankie无奈表示小男人是一种自我消耗精神的男人，自己有时回想都会“抌心口”：“点解我头先唔同佢讲我想点呢？”虽然未至于会后悔，但他也承认这种性格有时会让人觉得他缺乏棱角，但笔者看来，这或许正是他的温柔所在：“小男人成日都俾人睇唔到嘅就系，佢好似冇乜性格，但系我觉得其实冇乜性格都系一种性格嚟嘅！因为佢唔系因为真系冇性格，而乜都唔讲，佢系因为自己承受咗啲嘢，成就咗人哋，先至会变到咁嘅性格。”被问到拍拖时是否也是这种模式，会不会容易“被另一半食住”？他笑著否认：“Ummm……系㗎。但拍拖好双向嘅，大家都互相尊重嘅。”

生活中的他也曾试过硬起来，试图扮演“大男人”的角色，却发现自己根本不是那块料：“我自己有试过嘅，我自己想……落一啲决定，但系发觉我好唔惯做呢个位，我好唔惯做一个决定嘅人。因为每逢我落一个决定，都系代表可能我无视咗侧边嘅人嘅意见，但系我系好想知道晒各人嘅意见想点样，先至综合做一个决定，我唔会系啲独裁嘅人啰。” 他认为，一段健康的对等关系需要彼此的体谅，否则只会走进死胡同，故不论对家人、朋友或是另一半，他希望对方都能理解到这一点，否则根本难以说出心底话。

经历恋情风暴后变慎言：有跌跌撞撞先系人生

Frankie出道以来形象正面，但年前曾因为恋情与女朋友Christy的形象问题，罕有地卷入了排山倒海的负面新闻与舆论风暴中；对于一向低调、形象健康的他来说，那无疑是一次沉重的考验。回首那段日子，他坦言：“𠮶时有受到打击嘅，但系都系其实都系小男人嘅作风嚟，我要讲嘅都讲咗啰。” 经历了那次风波后，他也坦承这改变了自己往后的应对方式，访问中尽量慎言，少讲私人事。然而，在旁人看来，那次风波中他其实并没做错什么，单靠“说话小心”或许并不能根治问题，Frankie听后显得豁达：“既然系发生咗啦，咁我亦都讲咗我想讲嘅嘢啦，𠮶个决定都冇得返转头，咁就根据人生嘅阶段继续走落去。我觉得有啲唔同嘅体会可以攞返返嚟嘅，我亦都冇话真系好后悔当初要点样，如果点样就点点点啦，我从来都冇咁样谂，如果人生系可以重来嘅话，我谂大家都唔知……人生玩到Perfect先至开心咩？咁人生梗系有啲跌跌撞撞先至系一个人生，先至成就到更好嘅自己。”

舞台剧角色成唱歌防护罩 终于敢真正享受唱歌

在MIRROR当中，Frankie一向是跳舞担当之一，在唱歌方面则显得缺乏自信。但近年他接连参演了《大象的告别式》和《小男人周记》两部音乐剧，加上推出了Solo单曲《皮思苦》，舞台剧意外地成为了他释放自我、解锁唱歌热情的关键渠道，“我觉得自己经过第一次《大象的告别式》舞台剧之后呢，花姐同我讲嘅， ‘Frankie我觉得你唱歌放咗。’其实我自己都唔知嘅，就觉得原来做舞台剧要唱歌去一路做戏一路唱歌，系好似一个渠道咁，帮我慢慢将自己唱歌嘅信心释放返出嚟。”

过去对唱歌无疑带点恐惧与自卑，只敢细声唱、生怕被人听见，多得舞台剧的“角色防护罩”，才让他找到了安全感：“舞台剧你就要唱俾人听，唱个意思俾人听，反而呢个方法，令到我好似唔使直接面对我要唱一首歌，我要表演一首歌俾人听，我要表演一个剧情俾人睇，我觉得呢个方法帮到我，开启咗少少我可以enjoy到唱歌𠮶个心情，经过𠮶啲之后，我觉得帮到我唔少，亦都打开返我一啲对唱歌嘅热情，我觉得今次都系时候可以再迎接多更强嘅挑战，好开心。”

《绝》意外救赎绝症歌迷 揭埋藏多年家事

舞台上的影响力往往超乎想像。在早前《W.T.F.2 Live 2025》演唱会上，Frankie动情演绎了傅珮嘉原唱的《绝》，没想到这首在旁人眼中的惨情绝望之歌，竟然深深击中了一位患有绝症、正在接受化疗的乐迷。该歌迷在Threads上发文称“对于我呢个绝症但唔知自己几时会死，无了期不断覆诊食药嘅病人，今生可以听到呢个版本嘅《绝》，哪怕只系两分钟我已经足够无憾了……感恩我人生最低谷嘅时候听呢首，等我有少少勇气返返嚟。”Frankie得悉后，罕有地在社交平台上撰写长文，揭开自己深埋心底的家事来为对方打气，透露自己初中时父亲离世，当年年纪尚轻、无力分担家庭重担，曾一度自责无能。他坦言父亲因药物影响情绪，会对他动粗，不过如果时光可以倒流，Frankie还是会学习接受和体谅，因为他深明患绝症何其痛苦，因此也希望为这位网民分担。

谈到那次意外的网络交心，Frankie颇为感触，因为他选唱《绝》时，没想过观众会从自己身上取得什么：“点知就原来……系hit中咗一位朋友，为佢打到气。我觉得好神奇嘅，因为呢一首歌我当初听嘅时候，我觉得如果唔开心，佢只会系一个负面嘅歌，但系我估唔到如果我真系代入去表演，带埋出嚟，睇完live系会feel到个感情喺度。原来我做嘅嘢唔系我嘅影响力，系有更多嘅影响力，我𠮶下好感触，就将自己私人嘅嘢都讲咗出嚟，同佢打打气。”

父亲离世成转捩点 曾自责无能分担家庭责任

Frankie的父亲在他中二那年因绝症离世，当时只有13岁左右的他，面对病重且因药物副作用而情绪暴躁的父亲，内心充满了无法分担痛苦的无能为力感。如今回想，他对当年的自己多了一份释怀：“觉得自己有好多地方都不足嘅，而家睇返，其实不足嘅地方都系情有可原嘅，因为一个中二嘅人，唔可以做好成熟嘅决定，又唔可以做好多嘅嘢去帮补，或者点样去帮呢个屋企，我仲要返学。当初有怪过自己嘅无能，但系而家睇返，其实唔好怪自己啦，唔需要用𠮶一面去睇自己，所以都想留个言，令到𠮶位朋友都知，唔需要用呢一面睇自己，乐观少少，加油！同佢一齐努力！”

父亲的猝然离世，不仅摧毁了一个家庭的经济支柱，也成为了Frankie人生的第一个重大转捩点，他亦不知不觉间学著把自己收起：“始终屋企冇咗经济支柱，有一个好大方向嘅变动，妈咪就要承担一头家，亦都要善后爸爸唔喺度嘅事情，个转捩点都几大，因为真系成个屋企嘅模式都好似唔同咗咁，𠮶阵自己都接受唔到呢件事，都收埋咗自己好耐，回想返起好似系𠮶阵之后就好少可……好大胆咁同人讲晒自己所有嘅嘢。而家我再睇返就系觉得，我想保护自己，但系好似谂唔到有咩方法保护，咁好似收埋自己就系一个最好嘅保护咁。”

眼见妈妈一个人撑起家庭，年幼的他内心那份自责与无力感排山倒海而来，为了不让家里有负担，他中学毕业后便立刻投身社会工作，出来赚钱养活自己，再也没有向家里拿过零用钱，还交了家用：“唔想屋企有负担，呢样嘢就系同梁宽有啲唔同嘅地方，我去出面揾钱畀自己用，但系始终读书嘅学费，自己都系畀唔到，都系要屋企资助，有少少唔似梁宽就系一条路咁样上上上，我就有少少震吓震吓咁样上。”

父亲缺席成长失去模仿对象：一个爸爸应该做啲咩

在Frankie的记忆中，爸爸的形象与他如今的“小男人”性格恰恰相反，反而是位超级大男人的严父，他认为通常大男人的儿子都会是小男人：“因为体会过超级大男人之后，你就唔会想下面嘅人再经历一次我嘅感觉，我好体谅到，就好识得caring人多少少，但系可能同样地，我亦都失去咗一啲表达自己嘅特质。” 他坦言，小时候只要成绩不好或做错事，父亲真的会动手打他，有时甚至是当著亲戚面前一样照打，使他觉得十分丑怪，相信Frankie亦因此暗暗发誓以后不要让下一代承受这种痛苦。

父亲走后，家里虽然剩下他一个男人，但幸好年长的姐姐率先投身社会，家庭才逐渐稳定下来，让他能有自由的空间去寻找自己热爱的跳舞事业。然而，成长中父亲的缺席，也让他留下了一个遗憾：“会觉得……我好似成长途中冇咗一个Role Model去话俾我知，一个爸爸系应该要做啲咩，一个男人喺某些决定之下应该要要做啲咩。”谈到将来若自己成家立室，在缺乏学习对象的情况下，自己会成为一个怎样的父亲？Frankie思考了一会，笑说：“我会系一个，我觉得……但系好多人都唔觉得系，我觉得自己系会系一个严父，但系我唔系会打𠮶只严父，我系会由个细路仔自己去跌、去成长嘅一个严父，唔会同情，‘唔帮得唔帮得’，但系背后就喺度‘痛呀痛呀，你帮吓佢啦！’”这依然符合Frankie的体贴本色。

长大后读懂父爱 想跟爸爸说的一番话

如今回望父亲当年的严厉，大个仔的他读懂了那份不擅表达的父爱。若现在能对天上的爸爸说一句话，他认为会是这样：“既然系发生咗，我哋亦都发展到而家嘅成长咗嘅我，冇得话返转头如果当初系点嘅话就会点，我哋只好好努力咁样去接受而家，去继续改进我哋自己，就算系一啲好伤痛嘅回忆，你话我而家去谂返起爹哋点解以前咁严呀，以前系好唔钟意，但系而家大个咗就会明白到，其实佢咁做系爱我。但系以前可能觉得，你都唔爱嘅，以前嘅自己同而家嘅自己再睇返，其实好多唔同嘅体会，成就咗我呢个好似两面都谂好多嘢嘅人，但系我系理解更多嘢啰，我都好满足呢个状态。想同爸爸讲嘅就系，所有你做嘅嘢，其实你冇不足，或者冇超过，我觉得啱啱好啦所有嘢，如果唔咁做嘅，就冇而家嘅我，我都好珍惜同佢所有嘅经历，同埋我而家所有嘅经历，去令到我可以成为一个……喺呢个复杂嘅世界仲系好单纯，仲好乐观笑嘅男仔。”

谈合约届满称不轻易拆伙：MIRROR系抹唔走

近年MIRROR的“团Job”比出道早年减少，成员个人发展也愈来愈多，随著时间过去，外界也关心MIRROR的合约即将届满，12位成员会全员续约还是面临拆伙命运。对此，Frankie大方承认确实与公司有过初步的洽谈，但因为倾得不算深入，所以未有什么能透露，不过他说：“点讲呢？我觉得而家就系最好，而家就系最好嘅自己，所以，我都唔系好识讲，做完《小男人》之后我会觉得……真系当下最紧要，自己开心就最紧要，有fans睇到我哋开心，都觉得系最紧要嘅一样嘢，所以我觉得咩决定都好，总之大家开心，大家都做到自己钟意做嘅嘢就最好啰，咁就大家都win win。”

如果最终未能达成12人全员续约，MIRROR是否真的会走向解散？面对这条尖锐的问题，Frankie却表态：“边有咁易拆伙？我觉得MIRROR已经系一个历史啰，系一个记忆、系一个印记，我觉得呢样嘢系无可否认，亦都抹唔到嘅一件事，所以大家开心就得。”