天后郑秀文（Sammi）“星尘55”深情专访第二集，她继续分享由16岁参加“新秀歌唱大赛”出道至今，音乐旅程上寻找自我与突破。Sammi即将于7月10日踏上启德主场馆舞台，举行一连三场“You & Mi 郑秀文演唱会2026亚洲巡回终点站”，同日“华星”推出“Sammi 初”黑胶唱片，专访细味收录在Side B的多首作品。

《十诫》呻吟声震撼乐坛

Sammi 在“华星”年代，由1990年首张专辑《sammi》、《Holiday》、《Never too late》、《郑秀文的快乐迷宫》、《十诫》和《其后》，最深刻是1993年第四张大碟《郑秀文的快乐迷宫》，告别少女味，歌路与形象大改革，Sammi说：“开始揾到想行嘅路，当时未决定走跳舞歌手路线，闻到一种属于自己嘅气味。”她自言并非抒情系，《Chotto等等》开拓跳唱路线成转捩点。这首歌更是她亲自找来，说：“当时去日本旅行，喺一间嘅片舖听到呢首歌，好钟意，即刻买碟返嚟问唱片公司可唔可以翻唱？加上形象上革新，想试吓做跳舞歌手。”接著推出快歌《叮当》，Sammi再下一城，成功跳脱了出道初期清纯玉女的框架。

其实，相比跳唱，Sammi更爱加入艺术元素的演绎方式，例如2019年“FOLLOW Mi 演唱会”演绎《裸体早餐》，以及去年“拉濶音乐会”演绎《浮雕》。她说：“舞台上嘅爆发力、完全忘我投入，都系真实嘅我。虽然纯跳舞、排舞唔系我最擅长，我当时觉得要做，于是努力去行呢条路。而其实我最钟意系较艺术感嘅作品，呢个系必经之路，依家我好有信心将呢啲放喺舞台，放大嚟做。加上观众鉴赏能力高咗，一开YouTube 已经睇到好多嘢，接受能力高咗好多。尤其我嘅观众，知道我慢慢做紧呢类作品，嚟紧我会做更艺术成份高嘅作品。”

Sammi一直以来不断追求新鲜感，说：“我无谂规律，要变就变，无论音乐、表演形式、形象、外型......由当年肥妹到keep到好瘦削、好精炼嘅身型，都系变嘅过程。”1994年推出的《十诫》震撼整个乐坛，Sammi说：“首歌嘅议题，确实喺当年好大胆，歌曲里面有呻吟声、吔吔声，𠮶阵时嚟讲好劲。多谢唱片公司畀我尝试咁阔嘅嘢，肯定我嘅可塑性。”即使追求进步与改变，但Sammi坚持从心出发，说：“我会首先谂系咪from my heart，唔可以诈谛钟意，要真心至会拿捏到‘好’与‘信心’。”

同样收录在黑胶碟“Sammi 初”side B的快歌《冲动点唱》，当年同时推出慢版《唯独你是不可取替》，Sammi笑说：“当时我推出快版先，因为好好听另出首慢版，系安仔（许志安）嘅，但唱唱吓人哋以为首歌系我嘅。”有趣的缘份。“快版节奏轻快，慢版嘅歌词timeless，人生每个时段演绎呢首歌都有唔同感受，男、女歌手唱都唔同。”而另一首经典作品《Friends》由CY Kong包办曲词，Sammi赞叹CY创意前卫，说：“30年前首歌有段读白，仲要系英文，当时我收到份词：‘哗，点解首歌咁有型嘅？畀我架？’我觉得自己好幸运，当年我咁细年纪有个咁叻嘅音乐人，写咗首走得咁前嘅作品畀我，依家听都唔过时。”

郑秀文自爆出道前可爱英文名

“华星”年代Sammi 最深刻当年老板James Leung、高层李进和汤正川等提携和鼓励。原来郑秀文的英文名“Sammi”是汤正川的杰作，Sammi说：“我出道前喺中学叫Twing，个名好女仔，越嚟越唔似自己，想男仔啲感觉，Sammi呢个名系同汤正川先生一齐谂。”

Sammi 揭露当年做歌手一脚踢，未流行形象团队协助，简直忙到发疯，她说：“揾衫、买衫、打歌服、舞台衫，自己一个人做晒，真系好沉重，好辛苦但我又好钟意，好彩后生，依家应付唔到！后来公司有资源请团队，谂到就有人帮手，有时佢哋比我谂到更好。由‘华星’到依家‘寰亚唱片’，我都好好彩身边遇到每个团队都好帮到我。”虽然有不同团队协助，但Sammi坚持参与创作。

比较以前与现在出唱片，有什么不同？Sammi说：“谂法好唔同，以前会谂‘会唔会流行？’其实冇得计算。依家少咗呢啲考量，我会谂品质好唔好？系咪我自己都觉得精彩？想歌迷proud of我嘅作品。”如果Sammi现在16岁，会参加“新秀歌唱大赛”吗？她毫不犹豫参加，因为追梦不在乎时间和年龄，最重要心里有团火，她以爸爸为榜样，说：“我爸爸好钟意写书法，佢70几岁先至开第一个书法展，好细型，但我好感动，唔系做到几成功、几大型，而系‘做咗’嘅开心。”