ViuTV原创剧《 COURT!》于5月18日起，逢星期一至五晚上9时30分播映。《COURT!》剧集分为3个单元，讲述基于不同观点角度、难以致信的巧合或为了维护更公平的法律原则，都影响著所有案件在法庭上的细节，令最终“真相”的呈现，面临著不同挑战和考验。

邵美君、欣妍均无同黄德斌拍对手戏

《COURT!》单元三中的案件涉及到一段多角恋关系，“大婆”邵美君和“第四者”陈欣妍（Shirley）对事件各有看法，在审案过程中逐步揭开真相。原来，在拍摄期间，邵美君并没有与剧中饰演丈夫的黄德斌有过对手戏：“真系好可惜啊，佢都系一个我好欣赏嘅演员，佢都曾经有参与过舞台剧，不过我都冇同佢交集过，但喺我心中佢都系一个好好嘅演员，佢都有一种男人嘅魅力喺里面，唔系净系靓。作为一个演员，好有一种气质，虽然我冇同佢有对手戏，但演戏时佢个样都会不断喺我个脑度出现，我亦都会自己Create一啲我同佢之间经历过嘅一啲画面。虽然冇亲身咁样交集过，但喺我嘅幻想里面佢都真系我嘅老公。”

拍摄后，邵美君分享：“虽然唔系个个人有经历过伴侣过身，但两个人相处嘅𠮶啲磨合、啱唔啱，我谂系人都有呢啲经历，所以我觉得呢套戏最吸引嘅地方系每一个人嘅𠮶种阴暗面，每一个人对感情𠮶种执迷不悔，而好多人都应该有咁嘅经历。大家一拍完会出嚟睇Playback，睇吓点样做得再好啲，成个团队对於戏中嘅气氛都好认真，大家都好认真咁讨论，系一个好有趣嘅经验。”

陈欣妍分享导演别有用心

而剧中的“第四者”Shirley分享：“我系一段多角关系入面最细嘅小四。我觉得佢系最唔要面嘅𠮶个，因为佢系咩都唔要，谷谷（谷祖琳）做嘅𠮶个角色，佢系需要个男人，要名份、要确认、要个人。但我呢个小四相比起正室同谷谷，我系真系唔需要，只需要同呢个男人开心过就得。所以喺法庭，导演特登安排我坐到最高，咁我每一次开审嘅时候，由我最高嘅角度望去下面嘅大婆，望向犯人栏嘅谷谷阿二，我嘅角度就系我赢哂啦已经。我觉得佢系一个几寸嘅小四嚟。”

Shirley跟邵美君一样，没有与剧中饰演丈夫的黄德斌拍对手戏，“虽然我系佢小四，但系我哋冇同场。”但她很开心今次可以跟邵美君合作，“佢系一个好照顾我哋，好提携后辈嘅一个前辈，收到角色时都比较急，我都会同佢一齐去商量，一齐交流一下，所以我都好开心可以同君姐一齐合作。”