艺人元彪及刘家荣昨日（2日）出席“幸会25岁 - 香港电影资料馆珍藏展”的活动，二人在接受传媒访问时表示很少机会这样同台见面，元彪更笑指：“我谂系第一次添啊！”识于微时的二人讲起当年做龙虎舞师的回忆，当年的“真打”，与今时今日的科技，二人都说了一遍。

元彪点名大赞刘俊谦

谈到现今合作的艺人，元彪点名大赞刘俊谦：“佢个人都好活跃，同埋我觉得佢系可造之材，即系喺香港近年艺人嚟讲，佢都比较上系几进取。佢又打得又做得，所谓应该就系多少都要全面少少，就唔使学我呢啲咁夸张，即系打得、型仔、表演得、做戏得！”可见元彪对他评价甚高，他亦指可能因为刘俊谦与自己儿子年纪相约，加上戏中亦饰演自己的儿子，所以特别投缘。

元彪笑指成龙细路仔年代先孤寒

对于谈到“大哥”成龙，早前他提及到想重拍“福星”系列，元彪极力支持，他指虽然当中已经有成员离世，他表示成龙提出的一定能处理到：“我惊佢唔揾我添！一定啦我哋，我亦都有参与㗎嘛！”至于成龙最近被元华指性格孤寒，会给师弟分发快过期的食粮，同是师兄弟的元彪则笑指：“呢啲我谂细路仔嘅嘢嚟，即系细路仔年代。依家，应该唔会话太孤寒嘅，即系大家讲嘅都系倾紧小朋友嘅时候，即系比较上孤寒啲啰。我哋就唔去参与，佢亦都冇话点样对我孤寒，可能佢哋会接触过呢样嘢，但系我觉得都系大家一齐喺学校𠮶啲年代。（即系以你认知嘅大哥就唔系咁嘅？）细个𠮶时啰！”

元彪都认同洪金宝是最好

而元华亦提到洪金宝是最好的，元彪都认同他这句：“洪金宝阔绰啲啰！大哥嘛！有对比嘅，大哥佢就做得比较好海量，可能师父最虐待佢就系大师兄，大师兄你一定要虐待啲师弟！即系教落系咁！师父系严谨啲。”