关嘉敏日前（3日）出席公益金记者会活动，接受《香港01》访问时提到娱乐圈偶尔会发生男艺人擅自“加戏”的传闻，她直言曾被对方“加戏”：“突然之间加戏！锡锡嘅系！咁我𠮶下都吓亲嘅，我觉得尽量最好唔好啰，因为我觉得做演员就系要互相沟通，当时你一吓反应我会无啦啦跳出嚟㗎嘛，咁所以我就觉得系需要沟通嘅。”关嘉敏表示当时会紧张及害怕，而被问到该名男演员在“加戏”后有否说对不起时，她表示“都冇”。

想拒绝“加戏”最后还是忍受

对于如果被前辈加“亲热戏”，关嘉敏先吸了一口气，然后鼓起勇气表示：“拒绝唔到㗎啦！”但就觉得如果不是太过份的，她都会选择忍受先拍完当下的镜头再算。而被问到如果真的发生这个情况，关嘉敏表示会“佢加完先啰，佢加完cut咗我先会话畀信任嘅人听。”

关嘉敏被“加戏”加得太过份以致不开心到哭

关嘉敏自爆有次拍摄时被“加戏”加得太过份，以致她感到不开心：“其实我曾经真系试过一次咁样，但系唔系真系伸脷啦，即系都会有一啲加戏嘅成份，咁系加得有少少多咗嘅。然后我系真系唔开心到，我喺屋企喊咗好耐，因为我觉得好无助啊！但系最后尾我都有同信任嘅人讲，然后即系令到𠮶位嘅artist之后都冇咁做啦。”

关嘉敏被对方指责她“蠢” 因没有即时说出来

当关嘉敏与她信任的人说完后，反被对方指责她“蠢”：“你应该要喺𠮶一下发生嘅时候出声，或者𠮶个礼拜未拍完之前，我系煞咗科我先讲啊，但系我就𠮶个情绪我就忍咗成个几两个月啰。未煞科又唔想阻住人收工，咁我就忍住忍住。但系呢我每一日返工，我都系氹自己返工㗎，即系我系极度唔想返去面对𠮶个对手，但系我又要逼住，因为我又唔想阻人哋收工，咁我都想表演一个好专业嘅演员，但系你话真系真实嘅情绪呢，系真系好唔开心。（边套剧？边位男士？）唔话你知，唔讲啦呢啲，总之所以我觉得丁子朗系非常之好嘅对手！”