资深音乐人张家诚日前为天主教圣玛加利大幼稚园录制校歌，育有一儿的张家诚与学生碰面时，十分懂得氹细路，令录音过程非常顺利：“其实今次唔系流行曲嘅曲风，当中仲有啲古典元素，因为今次有小朋友参与制作，加上校歌系日日都要唱，如果你做得好可以日日都感动到佢，所以我想做一首有感染力、好温暖嘅歌曲！”

张家诚大赞老师用心

跟小朋友合照除为公营机构、大型活动制作音乐外，亦与天王天后合作，呢次“踩过界”进军校园，Alan都视为新尝试：“唔会理系咪大材小用，其实我觉得做音乐无分高低，只分用唔用心！我见到老师系好畀心机同小朋友练习，我会开心因为遇到一班肯用心去做好音乐嘅人！”

张家诚对幼稚园印象良好

张家诚表示呢日参与制作嘅小朋友好可爱，仲话希望小朋友对学校产生归属感：“我本身系一个家长，好希望做一啲好听嘅儿歌俾小朋友去唱！帮小朋友录音唔难嘅，因为旧时一日录八十人都试过啦，加上学校都帮佢哋做咗好多日练习，所以对我嚟讲实在太容易喇。”Alan表示对天主教圣玛加利大幼稚园印象良好，笑言如“再添丁”盼能入学就读：“我早前都有好大嘅感受，嚟到呢间幼稚园嘅时候，唔知点解我就觉得好舒服，𠮶个氛围、老师等等，如果我有个小朋友我都好想问校长：‘喂，我小朋友可唔可以入嚟读’（计划再生？）唔会啦！”

圣玛加利大幼稚园为传统名校，除长期高挂“排行榜”榜首外，更属“星”级学府，不少艺人子女曾就读此校，包括李灿森、周汶锜、吴日言等等。