莫家淦早前参加《中年好声音4》虽然被淘汰，但事业也得益于节目而人气上升，有报道指他换两层独立大屋，但其后证实只是“参观”而非入住。日前（6月5日）莫家淦出席维园饮食节活动，更获邀上台唱歌，气氛十分之好！

《中4》带挈人气急升！接商演广告吸金：决定冇错

当晚现场落起一阵暴雨，活动更因雷暴警告而需暂停，在他出场之前，大会舞台更疑似因断电而被迫停止，几分钟后才回复正常。“维园呢度有瓦遮头，但系上次珠海系冇嘅之余，要担住遮唱，啲群众又唔走，变咗佢哋又担住遮睇，所以冇问题嘅，我有经验。”

大仔爆笑追问“换大屋”传闻 全家总动员默默力撑

莫家淦直言自从参加《中》后有更多人认识，以前可能只有100个like，而家有2,000个like，留言亦较多。“多谢大家支持，譬如今次嘉年华会揾我出活动唱歌，之前都有啲广告呢啲工作，都开心嘅。”他坦言，最初担心过是否应该参加，但最后证实当时的决定是对的。“最尾都把心一横参加，而家睇返个决定系冇错嘅。”

他表示，太太一直都十分支持他的工作，而小朋友则因早前“被报道换大屋”一事，与他有了以下对话。“爹哋，啲人同学话我哋换咗大屋㖞！反而大仔关心呢啲嘢，细仔就，一有音乐，佢就识唱。两个仔会表达多啲，老婆同外母就默默支持，阿妈就集集都睇。”

认暂缓买楼计划 冀继续努力揾真银买理想安乐窝

被问到会不会考虑置业时，他回答：“冇可能啦，𠮶度真系豪宅嚟。自己喺置业方面暂时都系观望，第一想储多个钱先，第二就系始终买楼都系人生大事，要观察吓先，另外希望凭《中4》，自己又努力啲，储多啲钱，有个地方畀屋企人安居始终系理想嚟。”