由曹永廉、萧正楠、吴若希、车婉婉任主持兼“婚姻求生教练”的TVB全新综艺节目，一共十集的《K Cash找数王呈献：夫妻肺片》，每两集便会请来一组星级嘉宾，畅谈婚姻生活、拆解夫妻日常“炸弹”，辅助大家迈向永恒恩爱之路。

昨晚一集内容集恩爱、爆笑兼血泪史于一身。除了“求婚/被求婚过程”，昨晚探讨“女人陀B后人生有咩改变”内容亦相当精彩，其中“喂人奶”话题更是“笑中有泪”。自封“依恋儿子型”、恨生仔恨到发烧的赖慰玲，坦言自从生了小朋友后便再没有任何不开心，十分夸张：“我一陀咗（B）我人生180度转变，变咗好开心，我冇任何唔开心，直至依家”、“生咗之后，我个人善良咗好多，以前我成日会唔开心，‘几时可以生仔呀！等几耐呀要！’”、“同埋我善良咗，先可以令我小朋友善良。”喂人奶的赖慰玲，又指塞奶“痛过生仔”，并揭出连有风吹过都会觉得痛：“喂人奶好大压力，好容易塞奶，我好记得个感觉系痛过我生仔。我记得我坐喺张床度，我老公开门，开门有风架嘛，个风吹过（都痛）。”

同样坚持喂人奶的车婉婉，则指喂人奶极需要私人空间和休息，但老公不但曾试过“唔识做”地邀请了妈妈及细佬上屋企坐足成日，更因二人无心的一句：“哗，佢（BB）食得饱唔饱呀？”令婉婉压力爆煲情绪崩溃，最后独自匿埋工人床上爆喊：“我啲眼泪爸爸声，好Hurt！”谈到“喂人奶”，一众男嘉宾均坦言做妈咪十分伟大，陈展鹏（煎Pan）：“女人大肚系靓咗架㖞”、“见到自己太太好有母爱，会觉得有咗光环咁。”

至于雨侨，则透露陀B后变得易喊又脆弱，并大爆罗力威不为人知的“暖男事件”：“我老公都好好，头一、两个月（陀B），胃口变咗好多，我以前最钟意食辣米线。有日佢好惊喜咁带我去食，首先沿途我已经好想呕，见到碗米线我突然所有嘢都唔想食，跟住我对住个米线喊，跟住啲人系咁望住我。”又大爆罗力威会讲故仔氹她瞓觉之余，还会唱埋“间场音乐”，浪漫到晕：“佢夜晚会讲故事氹我瞓，多数佢自己作嘅，同埋间场嘅配乐会唱埋出嚟”、“我陀住时我老公真系100分。”并续指生B后，罗力威亦做了不少实际行动默默支持及爱护自己：“全部BB衫都系佢亲自洗，佢用好多行动证明（佢嘅爱），所以有时我都觉得又闹佢多咗。”