“国民初恋”姚焯菲（Chantel）昨日（6日）出席TVB公益金活动接受《香港01》访问，除了亲自为早前盛传她去年狂吸金6位数字的传闻解画外，对于近日《爱·回家之开心速递》剧组屡传是非，饰演“风少”的陈浚霆更被卷入打毒针事件，曾经客串过该剧的Chantel亦毫不避忌，开腔为对方护航，大赞对方私底下非常善良兼乐于助人。

亲解狂吸6位数字传闻：啲钱交晒畀公司处理

早前有报道指Chantel吸金力惊人，去年单是舞台剧已为TVB稳赚6位数字。对此Chantel听罢即刻笑言自己对数字没有概念：“因为呢啲钱嘅我不嬲都系交返畀公司去处理，咁我自己都冇点样去计过，咁所以都都唔知道实际系有几多。”至于被问到公司是否对她宠爱有加，Chantel就大方表示：“我又觉得公司一直都对我好好，但系你话系咪真系大家讲咁夸张呢，我觉得公司系对我好嘅，只不过呢样嘢都系见仁见智。”

提到好姊妹詹天文（Windy）即将举行个人演唱会，问到会否出席时，Chantel即透露当日已有工作在身：“因为𠮶日我知道已经要做嘢，有一个慈善嘅Show要去参与，但我都有同佢讲，我会尽量赶过去睇佢㗎啦之后！”

力撑风少绝非坏人：佢好善良又乐于助人

谈及近日《爱回家》剧组风波不断，曾短暂客串剧集的Chantel听到“风少”陈浚霆是非后露出一脸惊讶的表情，坦言全不知情：“吓？我又冇听过呢样嘢㖞！佢不嬲对大家其实都好Nice，佢对我好好，同埋对身边嘅人都好好。”

问到两人当时有没有很多对手戏，Chantel回忆道：“其实都唔算好多，我哋好似对过一场。因为𠮶一场我都系啱啱初入去（剧组）咁样啦，所以佢都有教我，有好多位都有教我点样去做，或者同我去夹戏，所以以我认识嘅佢，都好乐于助人同好善良嘅人。”对于风少无端卷入是非，Chantel坦言感到十分愕然：“我都觉得有啲Surprise，点解会有呢样嘢发生嘅呢？”Chantel力证风少绝非“搞是搞非”的人。