给阿嬷的情书｜获殿堂级狂赞 陈欣健赞感动、许冠文：一定有真情
电影《给阿嬷的情书》在内地已突破15亿票房，电影以侨批为叙事线索，讲述了一位潮汕阿嬷的孙子远赴泰国寻找阿公的故事，深得大众欢迎！今日（6月7日）许冠文和陈欣健两位殿堂级电影人出席《香港潮州节》，席间和杨玳诗谈起《给阿嬷的情书》时，他们亦赞不绝口
殿堂级电影人许冠文和陈欣健出席《香港潮州节》。（林迅景 摄）
陈欣健幽默笑言：好难揾套戏冇古天乐！
陈欣健：“我喺广州睇，我认为呢套戏非常之杰出。因为全部都系潮州对白，全部演员都好新，系冇古天乐，你好难揾到一套戏冇古天乐，你知，但系套戏讲以前我哋啲先辈，点样去东南亚地方，点样失咗联络，点样再建立返友谊。我好感动。（杨玳诗：你觉得剧本好，定系演员好？）乜都好，10几亿冇可能唔好。”
许冠文、陈欣健、查小欣、杨玳诗。（林迅景 摄）
席间许冠文、陈欣健大谈对《给阿嬷的情书》睇法。（林迅景 摄）
许冠文爆笑自封辈份“大晒”：唔使再尊重长者！
席间，许冠文也讲起一个笑话：“以前因为有谢贤同埋胡枫行出嚟，我仲可以些少摄吓摄吓，而家佢喺唔系几出嚟，尤其是谢贤，所以我而家大晒！大晒有咩好处？虽然年纪大，但系，由细到大训练我要尊重长者，但系而家已经系人都细过我，所以我唔需要尊重长者，知唔知？我钟意讲咩就讲咩，大晒！我错嘢，你一定要原谅我，因为我大晒！呢个系最好，乱氹嘢都唔怕㗎。”
席间许冠文、陈欣健大谈对《给阿嬷的情书》睇法。（林迅景 摄）
许冠文一语道破卖座秘诀：好电影得一个因素，就系“真情”
杨玳诗：“电影入面，有乜元素系最紧要？”许冠文：“我未曾睇呢套《给阿嬷的情书》，下个礼拜做。我未睇过，但系我一定知有以下呢几个条件。一，好真情，所以描写关系都系好真。第二，个阿嬷一定系非常感人，唔系作出嚟，真到系完全唔配音，由头到尾都系讲潮州话，你谂吓收咁多钱（指票房），冇人志在有冇明星，冇人志在讲咩话，所以能够咁卖座，一定有呢啲因素。你问我电影有咩好唔好，得一个因素，系要有真情，有意思得嚟有情，感染到。”