前港男冠军高钧贤早前出席于湾仔会展举行的潮州节活动，并在接受《香港01》访问中大方分享自己近年在内地发展的创业心得，亦分享对电视艺员新路向看法。

受惠港人创业扶持 筹备大半年开咖啡清吧

高钧贤表示，自己近年较多时间留在深圳与内地发展，身边也有不少潮州朋友。他更透露自己早前在深圳前海，受惠于扶持港人创业的政策，成功投标并筹备了七至八个月，投资了接近六位数字，开办了一家结合咖啡与清吧的概念店。

谈到创业的苦与乐，高钧贤直言：“开呢间舖真系好辛苦、好攰，因为要准备好多 ，但开咗两个月左右，我发觉原来唔系真系单靠卖一杯半杯嘢饮去赚钱，反而系因为呢个地方，聚集咗好多唔同嘅人，大家一齐倾下项目、倾下生意，呢个模式反而仲好。我以前喺香港都开过居酒屋，细个又做过咖啡师，所以将‘朝啡夕酒’呢个概念放落去，依家喺点评榜上仲攞到第一名添！”

看透TVB合约价值 早期转型玩直播自媒体收益远超想像

而被问到近年无线有不少艺人各自有打算，作为过来人的高钧贤则看得相当通透。他坦言人员流动在任何环境都很正常，关键在于心态与如何利用平台优势达到双赢：“我觉得好正常啫，好似我依家同 TVB 都签咗个部头合约，其实个环境同心态都一路变紧。最重要系点样去互相利用对方嘅优势，例如利用 TVB 本身拥有嘅庞大流量，去帮助自己宣传同发展其他事业。我算系比较早期去转型做呢样嘢，好似做直播、拍自媒体分享生活咁。我反而觉得自己喺呢方面得到嘅收益仲大。所以唔好一冇嘢做就心急话要离开，我都会劝后生仔畀多点时间自己，试下唔同嘅发展方向。”