陈启泰日前现身港铁总部主持全新游戏节目《铁声之巅：百万积分争夺战》，艺人曾傲棐、YouTuber 嘉盈、Jon Jon伙拍资深铁路迷一较高下，众人透过日常观察力、敏锐的听觉以及全面的铁路知识解答各种与港铁有关的“声音”题目，最终由嘉盈于终极之战夺冠并独得100万MTR分 。

陈启泰透露积极运动盼重回巅峰状态

久休复出的陈启泰表示，现时积极运动盼重回巅峰状态：“好多朋友都知我之前病咗一段时间，当时重到200几磅，依家都减番去180磅，其实磅数唔紧要，最紧要系冇咁肿、冇咁肥，应该仲有得进步嘅 。”已“登六”的陈启泰笑言尽享乐悠咭福利，不时乘坐港铁出入，笑言平时坐车都欢迎街坊与自己合照：“港铁见到我呢，系非常平常嘅事，自从攞咗乐悠咭之后就两蚊、两折！不过我坐车时唔钟意做低头族，反而会留意身边嘅事，我真系超级无聊数过有18下嘅闩门‘嘟嘟声’，有机会都想去试吓做车长广播！”

比赛围绕港铁声音同经典游戏节目

呢次比赛围绕港铁熟悉的声音，陈启泰表示“无谂过”可以由声音变成游戏节目， 今次活动将两种香港人有共鸣的元素——港铁声音同经典游戏节目crossover，令节目更有话题性与娱乐感。Ken表示他自主持《百万富翁》后，就拒绝参与所有游戏节目做嘉宾：“因为我自从做咗《百万富翁》主持之后，我觉得既然做咗一个比较标志性游戏节目主持，我就拒绝上所有嘅游戏节目，其后有啲人邀请过我都婉拒咗。（节目嘅奖品吸引呢？）我后生𠮶阵都玩过《掌门人》，当时最恨赢一吨电油，因为当时好钟意揸车，成日计一吨电油有几重、可以揸到几多公里不过今次啲奖品都好吸引，有100万MTR分可以用嚟换港铁车飞、商场礼券等，其实我都几想要 。”

呢日，Ken与一众YouTuber齐齐拍节目，佢表示冇睇过对方频道，笑言叫后辈“放马过嚟”：“我担心佢哋跟唔到我，因为我系‘六十后’最Sharp醒嘅主持嚟㗎嘛，我系主持，佢系参赛者，佢哋越牙尖嘴利，我转数就越快，成个节目出嚟呢就会越好睇。”

曾傲棐自爆昔日“情史”

而曾傲棐自认“铁粉”，讲起铁路历史越讲越兴奋，仲勾起昔日“情史”：“如果有机会我会想喺车厢中拍MV，因为旧时有个好珍贵嘅回忆，有个女仔每日都系同一班车返学，但从来都唔敢问佢 IG 、唔知佢叫咩名，每日返学就系望住啰，即系你大概知系‘761P’ 第二卡车厢、去到尾呢就会见到佢，好想将Puppy love嘅感觉用MV去记录低 。”

《百万富翁》开播时间是曾傲棐出生年份

曾傲棐仲话参与陈启泰节目感压力，笑言在前辈面前未敢太自信，因为通常越自信结果越“惨烈”：“因为我同佢坐得最近，一位电视前辈跳咗出嚟，的确有啲紧张嘅。（睇佢节目成长？）我梗系唔够胆讲啦！因为我查番《百万富翁》播出时，正正系我出生嘅年份，所以系个节目陪我成长！” 曾傲棐仲话自觉对铁路音效熟悉，但到场后发现资深铁路迷太厉害，令他“冇自信”揿掣抢答 ！