MIRROR、ERROR共16位成员经2018年节目《全民造星》诞生，至今出道8年，近年他们会否续约成为外界关注重点，假若不是全员续约的话，粉丝们都担心两个团队或面临拆伙。而MIRROR队长杨乐文（Lokman）、王智德（Alton）以及ERROR的何启华（Dee）接受谷德昭节目《爆谷一周》访问，被问到两个团体的去留问题，都各自发表自己看法，阿Dee视ERROR为强大后盾，亦珍惜队友，但认为去留难以靠一个人控制；Alton认为其实MIRROR成员近年已经常“自己做自己嘢”，适当时会合体，无需刻意担心将来；至于Lokman则认为不需将著眼点放于“大家物理上有几多时间一齐”，除了12子、公司，还有太多他不能回答到的不确定因素，更反问：“咩叫一家人好？系咪早午晚三餐、下午茶宵夜全部坐埋围喺台先叫感情好？咁唔系嘛。”最后他们更以Marvel为喻，指各位主角都是十年先会聚头一次打Thanos。

“无悔三兄弟”Lokman、Alton、阿Dee及导演导演罗耀辉现身宣传主演剧集《喜剧开场》，讲到剧中三位追梦十年，最终决定解散，由此引伸到MIRROR及ERROR会否分道扬镳的问题，阿Dee先说：“我哋都系四个人，每人都系独立咁出现，然后组埋一队，所以离开嘅时候都系四个人独立嘅意见，究竟离开定一齐。我认为团队留定去都唔系我一个人控制到，系四个人究竟最终想点，仲有啲时间啦，每个人成长到唔同阶段，有唔同需要同追求。当然喺呢一刻我相信我哋都仍然好珍惜呢个团队，因为我哋经历过嘅嘢系事实亦都系历史，当中嘅苦、乐、酸，大家系一齐经历，所以我会成日都话……我会咁谂，ERROR系我一个强大嘅后盾，但系后盾，系你唔到最紧要时刻都唔会会用，因为永远摆喺后面，呢个系我对团队嘅睇法。”

之后谷德昭再问Alton，12子有否讨论相关话题，Alton说：“我哋一开始系12个人一齐出现，但系其实后尾大家都有自己嘅方向或者特长，再深化咁做俾大家睇。其实有时都有一半系要睇吓出面有咩机会，你见我哋其实我哋都贪㗎嘛，唱又有、跳又有、演又有，主持又有综艺又有，我会觉得大家都好立体，但系到咗某啲moment，我哋可能返返去做返团队嘅工作，但系团队唔存在嘅时候我哋又做自己嘅工作，我会觉得而家都系大家好关心嘅一个话题，你哋12个到最后会点呀？我会觉得其实到时候……有时我会悲观啲咁谂，其实而家都已经好多时都自己做自己嘢，点解要好刻意去担心之后呢？其实处理咗而家先。”

至于Lokman则表示很认同Alton的说法，的确现时大部份时间都是各有各做，但他亦表示：“点解要Focus喺大家有几多时间物理性喺一齐？点解要净系Focus喺呢个点？点解成日要drill去呢个点，成日问啲咁尖锐嘅问题，‘你哋物理上有几多时间系一齐？’但系其实呢样唔系我哋12个可以话事，或者唔系我哋公司话事，你可以再讲，可以系香港或者世界，其实系几容许到我哋12个物理性喺一齐呢？咁多不确定因素下，点解你唔问返下我哋心入面点谂呢？点解要咁尖锐去问一啲其实根本好难答到你嘅问题呢？所以要讲时间嘅，就系，一家人一家人，咩叫一家人好？系咪早午晚三餐、下午茶宵夜全部坐埋围喺台一齐食先叫感情好？咁唔系嘛，睇吓你咩时间，做咩嘢，做紧几好嘅嘢，大家有几钟意，我觉得呢个先最重要。”

Lokman之后又以Marvel作比喻，直言：“复仇者都要打Thanos先至咁多个人储埋一齐，平时都系四五个、三四个，做咗十年先大家一齐围抽一个。”Alton笑说：“所以要有Thanos。”而谷导就认为他们讲得很好，更表示：“Marvel都唔系日日一齐食饭。”