黄又南成功做“叮叮”车长 地狱级驾驶难度：难过揸巴士好多！
黄又南早前考“叮叮”电车车长被“野生捕获”。昨日（6月8日）他出席尖沙咀活动时接受《香港01》访问，他透露自己已成功pass考试，如要正式成为车长的话，还需要各种实习，所以并未打算正式做车长。他表示，考牌只是因拍摄YouTube频道影片。
黄又南学紧揸电车（叮叮）。（Threads图片）
态度认真绝非“玩玩吓” 揸香港标志交通工具圆梦
虽说是为了拍片才考牌，但他强调过程十分认真，而不是“玩玩吓”。黄又南更坦言，揸电车并不是控制几个掣就可以，而是十分复杂和高难度，而且要非常留意路面情况。“自己钟意车，而电车系香港其中一个标志嘅公共交通工具，揸到其实都系一件开心事。”
黄又南成功考到“叮叮”牌！（陈顺祯 摄）
黄又南表示，网民可以留言建议佢仲要考咩牌。（陈顺祯 摄）
全防守型驾驶极度惊险 直呼地狱级难度“难过揸巴士”
“难㗎，一开始我只系可以喺厂入面兜圈，之后可以出街，有师傅出街，其实都系训练车。简单讲，电车就系一个全防守型，真系可以突然间有个人走出嚟。我唔可以话佢哋唔留意交通规则，而系可能畀人感觉，电车慢，我可以快过电车，但系电车一掂到，可以卷落车底会好危险，所以教我嘅大师傅系真系好严谨。（难过巴士？）难揸好多添，佢唔系运输署出牌，而系佢入面高级考牌官喺度。你真系唔得，佢会照肥你。我真系比个合格分数高两三分。”记者提及外国或有机会考取坦克车车牌，他即兴奋表示：“系？我返去睇吓先！”