文化艺术生活平台【电笠】自 2024 年起邀请不同音乐单位一同走进校园举办《人人和音 School Tour》，透过分享与音乐交流，为同学轻松减压。今年《人人和音 School Tour》第四季顺利开展，以“梦想中的另一个我”为题，第二弹集结钊峰、江若琳、IdG Sundae、张驰豪（Aska）、冯熙燮（Ryan）及柯雨霏（Ophelia）分别到访东华三院吴祥川纪念中学及基督教香港信义会宏信书院，与同学分享他们在追梦历程的转变。

钊峰自爆儿时梦想是歌星

钊峰透露小时候的“我的志愿”已经是歌星，他说：“不过𠮶阵畀妈妈检查功课，妈咪话都冇资源，唔得，唔好发明星梦！于是，我就默默删咗成篇文改返做‘医生’。”幸好，他未有因此真正放弃梦想，记得初入行录歌时，以为自己唱得不错，却发现自己严重黐脷筋：“好唔开心，觉得自己连咁基本嘅嘢都做唔到，大喊咗一场，最后发现系混音嘅问题。”如今终于成真，钊峰自言是非常幸运：“我真系好钟意听歌，做完啲歌有知音，就好满足。”他鼓励同学放胆发梦，但亦要注意勿揸干自己：“同埋有热情还有热情，但系如果握得太紧都好辛苦，所以一定要学识平衡。”

江若琳分享儿时梦想与校园回忆

江若琳因为喜欢小朋友，儿时最想做幼稚园老师：“我好想陪伴大家成长，所以今日见到啲同学好开心。我谂做幼稚园老师同做歌手一样，要好有爱，你要爱你嘅作品、爱你嘅同伴、好爱你嘅歌迷，你就会做得好，因为你好想报答佢哋。”她表示现时仍有与小学及中学同学聚会，回忆校园生活最爱小食部：“一打钟就冲落去买鱼蛋、烧卖，系最美丽嘅时光。读书唔阵最大嘅挫折，应该系因为考试唔合格，拎返去畀阿妈签名𠮶阵好惊，真系手都震，唯有同自己讲下次努力。”她指成为长大后，在工作上必然有不同的压力：“你会知道咩系人情冷暖，仲有竞争嘅过程，只要记得自己系做紧自己钟意嘅嘢，就可以将压力变成动力。好似我哋做歌手，大家睇我哋喺台上3分钟，但系背后真系做好多嘢，要学唱歌、要做运动、要练气，跳舞可能只舞都已经排咗100次，中间会有好刻苦的过程，一定要坚持！”

IdG Sundae鼓励同学什么都可以尝试去做

首次担任校园骚嘉宾的IdG Sundae，大赞同学们活力十足，提到她们的读书压力：“见到同学啲成绩好好，好似唔使读就识咁，好想要多啦A梦嘅‘记忆面包’！同埋好怀念学校有时间表，每日有人安排晒你做咩，其实真系好好。”对于成为女团成员遭家人反对，她们会在工作及学业上争取最好成绩，让家人知道想做歌手并非儿嬉，IdG Sundae说：“仲细个咋你哋，咩都可以去试吓做啦！”

张驰豪因伤终止篮球梦

张驰豪儿时梦想做职业篮球员，坦言当时好沉迷打篮球，但因两度伤十字韧带令梦想止步：“都系一个几大嘅挫折，𠮶时朝早练波、食饭练波、放学又练波，夜晚都练波，篮球员系我畀自己一个好大嘅身份认同。我有个名叫‘伤膝双膝青年’，因为受伤觉得条路封住咗，后来人大咗会发现，因为有啲路封住咗，反而见到有其他路可以行，呢个先系终身受用嘅嘢。”

柯雨霏每日动摇仍坚持：总有一日会得卦

冯熙燮对寿司有种莫名的喜爱：“一个歌手同寿司师傅都系一种艺术同表演，寿司师傅要由啲好低嘅工作开始，慢慢先可以成为大家熟悉嘅寿司匠人。我而家出咗道做歌手半年，好多好出名嘅歌手都系用咗十几、廿年去浸淫，先有而家嘅成绩。”至于曾梦想当律师，伸张正义的柯雨霏：“但系成绩唔好做唔到，而家做歌手都有动摇过，其实系每日都动摇紧，但系呢个职业好似比较适合我嘅条件？不过入咗行就觉得真系好唔稳定，好彩屋企人好支持我，我会同自己讲‘如果你真系咁叻就咬牙坚持落去’，总有一日会得卦。总之，要郁要做嘢，确定自己真系钟意就要行，其实真系冇你想像中咁难！”

众人又献唱多首歌曲，期间亦主动走到台下与学生互动，握手、自拍兼抱抱，更有老师与同学齐齐尖叫、打拍子，全场充满着欢乐又温馨的气氛，师生们齐齐渡过一个愉快的下午。