ERROR成员郭嘉骏（193）早前宣布“出雪柜”，结束悠长假期，陆续在ViuTV节目亮相，并回归最新一集《晚吹 - 男人乱讲嘢》，与另外三位拍档邹凯光（滩叔）、骆振伟（Thor）及谭凯伦（Helen）继续主持。滩叔一见到193随即开口关心他的“油墙假期”究竟如何度过，193竟自爆停工时揾得仲多：“好丰盛呀我嘅生活系！主要系喺美国𠮶边啰，我投资有道，喺美股同虚拟货币上面，因为呢个假期得著咗好多。”Thor问他是否亲身去了美国炒股，他回答：“冇，纯粹参与佢时区啫，适逢呢排都好多股票波动、世界大事，所以我呢个放假系过得好合理，我放假可以全程mon住，但而家要返返工呢，收入会少咗。”

滩叔笑问：你系咪好想快啲又唔返工？谂清楚啲㖞！

滩叔听罢非常担心，问：“你系咪好想快啲又唔返工？你谂清楚啲㖞！同事们你想跣佢就剪出嚟，一系就剪走佢。”193未惊过，并回应：“真嘅，因为而家我哋正常时间，我夜晚就唔能够mon住美股，但而家仲系好大波动，系啰，赚少咗。”讲到现场布景都跟他放假前不同，但他就似乎不太满意，觉得椅子太矮，坐低时擘开脚，镜头会直接影住他的裤裆，滩叔笑说：“啱啱出返嚟，唔好咁多意见啦！”

质疑观众作故仔博“免费续会” 自荐参演港版《悠长假期》

今集几位主持解答了同样是第二次投稿的观众V仔和菠萝杰疑难，由于每位被选中的观众，都会得到三个月免费睇波的权限，193质疑有工作人员作故仔，来信后又来信，务求要“续会”，于是他建议下次要观众亲自到场，就算不想出样，都可以笠住“生Bear”公仔，滩叔又问：“你呢个咁大胆嘅改革，你到时会唔会仲喺度㗎？你啱啱复出就有咁大胆嘅改革”193笑言：“唔肯定，我哋公司个《悠长假期》都就嚟开拍啦，唔知会唔会有我份？”说完即被滩叔取笑：“日日喺度油墙呀！”而Helen都和议，说他很有野心。