《罗启豪&谭辉智双声演唱会2026》日前圆满完成，这也是Ramon和辉智两人的首次红馆演唱会。演出当晚座无虚席，场面热闹，一开场大屏幕上播放Ramon与辉智的特效动画片为演唱会揭开序幕，及后他俩穿上黑色闪片装束登场，并唱出特别制作的串烧歌《双声七分串》，当中包括《今天等我来》、《想说》、《不要重播》、《敢爱敢做》、《屈到病》、《听海》、《抉择》、《我等到花儿也谢了》、《当爱已成往事》、《深爱著你》、《无边的思忆》、《深深深》、《归来吧》、《囚鸟》、《心碎了无痕》、《敢爱敢恨》和《一首歌一个故事》等多首广东及国语金曲。接著二人火速换衫，化身成白马王子出场献唱他俩出生年份的《1984年度金曲》，包括《飞跃舞台》、《始终会行运》、《爱在深秋》、《偶遇》、《伴我启航》、《等》、《你令我快乐过》、《天籁》、《零时十分》和《无敌是爱》等，耳熟能详的歌词和旋律令现场观众跟着一起合唱。

接著Ramon自弹自唱陈百强金曲《我的故事》，在唱完《别人的歌》时Ramon感性说：“我等咗今晚等咗好耐，见到大家你哋好！头先我自弹自唱系为咗今晚，唔知道大家钟唔钟意？我仲有另外一样嘢想知道大家钟唔钟意？大家有冇留意我后面嘅萤光幕出现咗好多画，𠮶啲画系我以前画㗎，想大家借5秒俾我享受红馆嘅舞台，喺呢5秒前我就系唱住《别人的歌》，但喺呢5秒后我就可以唱自己嘅歌，送俾相信我同埋同我行到今日嘅每一位。”接著Ramon唱出他首支个人单曲《相信相信》，他更走到观众席与歌迷握手互动。

及后辉智出场献唱他近期个人单曲《娱初》，他说：“大家好吗？哗，真系嚟到红馆，其实我由细到大嚟过红馆好多次，我谂都有50次，但系次次都系坐喺山顶位，好少坐喺前排。山顶嘅朋友，你哋好吗？呢个系例牌嘅指定动作，我有好多疑问，以前嚟红馆就成日丧嗌，我谂啲歌手其实见唔见到我哋嘅呢？又或者听唔到我哋讲嘢嘅呢？不如证实一下，你哋嗌呀！”现场观众即时大叫辉智，“原来系听到，不如大家大声嗌，真系好有Feel呀，原来红馆系可以咁Crazy！”接下来辉智大展舞技跳唱《热身要在冧低前》，并发挥幽默本色问在场观众：“型唔型啫！大家睇完记得洗眼。”

全晚气氛最高涨的环节定必定是Ramon与辉智合唱《天命最高》，音乐总监赵增熹当年亦有份参与歌曲制作别具意义。阿熹上台时望向Ramon与辉智笑言：“如果唔系你哋两个，今晚我都未必喺度，我一集《中年好声音》嘅评判都冇做过，讲起我都算系你哋前辈，我想借大家小小时间送返一两句说话俾你哋，我其实都系歌唱比赛入行，我19岁帮我朋友参加比赛，我就入咗行，好可惜佢就入唔到，𠮶阵时喺我生命里面有个好重要嘅人，我同佢讲入唔入行好，佢就同我讲有几多个顾嘉𪸩！佢意思就系话入行要求高唔容易㗎！如是者我就喺呢行做咗40年，虽然我做唔到顾嘉𪸩，但我都系赵增熹。”

Ramon说：“顾嘉𪸩得一位，赵增熹都系得一位。”阿熹说：“啱啱讲呢个好重要嘅人今晚都喺度，我要好郑重多谢我妈咪，唔知佢今晚坐咗喺边度，好似系AE行。我将我妈咪嘅呢段说话改装少少送俾你哋，有几多个张学友同埋陈奕迅呢？希望你哋将来可以继续企喺个台上面，好有自信同大家讲虽然唔系张学友同陈奕迅，但我系罗启豪或谭辉智。”接著阿熹弹奏歌曲《GOLDEN》及《阿Lam日记》，让Ramon与辉智即场大比拼斗高音及长气，尽显两人歌唱技巧，台下掌声不断。及后Ramon与辉智于Dance Medley环节向在场观众示范抹窗及游泳手势，并呼吁观众高举演唱会发光手套齐齐互动，二人紧接劲歌热舞表演一系列快歌，包括有：《打雀英雄传》、《忘情森巴舞》、《极速》和《脱掉》等。

辉智深情望向Ramon表示：“我想问你一样嘢，其实我同你唔算系第一次合作，系第二次，同我合作开唔开心呢？”Ramon：“我等咗呢个机会好耐唔知你知唔知？”辉智续说：“我准备咗一份礼物俾你，我好少送礼物俾人，今次都系第一次，仲要喺个台度送俾你，其实呢份礼物都准备咗成42年。”Ramon：“吓，我都未出世。”辉智：“我喺阿妈个肚里面已经准备，就系呢一首歌《阿信的故事》。”Ramon则唱出《我有我天地》作回礼，并笑言：“完咗呢个骚你就可以环游世界。”接着辉智向Ramon提问：“其实你之前有冇谂过有一日可以企喺红馆呢个舞台。”Ramon：“真系冇，我哋两个40岁先至入行做歌手，点会谂到今日会企喺呢度。”辉智坦言：“其实有少少我觉得变态嘅成份，我睇返我啲相，𠮶阵时做紧啲乜嘢，𠮶个样系…”Ramon激动表示：“我以前又有胡须又肥。”辉智续说：“我觉得点会谂到呢个舞台，我觉得好癫呀！我无憾啦！我想讲其实梦想系有声音，呢一把声音一定系岁月沉淀咗先可以唱到出嚟。”Ramon表示：“我想将今晚呢一份感触送俾不同年龄，但心中仍然有团火嘅人。”

在最后环节，Ramon分享：“我真系有好多说话想讲，咁快就去到最后一首歌，觉得呢个梦系咪就嚟要醒呢？但我知道今晚嘅梦同平时嘅梦系唔同，醒咗之后唔会所有嘢都消失，呢一段时间开嘅每一个会，每一次团队同我哋食饭，仲有企喺个舞台听到大家嘅欢呼声同埋掌声，仲有望到每一位观众朋友同埋屋企人，仲有我嘅粉丝豪壳，所有事都印喺我嘅脑海，我知道以后每次遇到挑战同埋难题嘅时候，只要记得今晚嘅画面就会俾到力量我，同埋要多谢鼓励我同相信行到今日嘅你哋。”

辉智说：“我其实好少讲啲感性嘢，我个人比大家嘅感觉好似冇嚟正经，HeaHea哋，我要为自己做少少平反，我唔系好叻讲嘢，但我好珍惜所有嘅粉丝Faiters，每一次见到你哋，我都尽量去记得你哋每一个，都会尽量揾啲方法同你哋倾偈！其实我系冇乜Friend，个个都知我难搞，好难相处。”Ramon则表示：“你当唔当我系Friend先？”辉智直言：“我梗系当你系Friend，我都有自知之明，识到咁多人对我嘅人生真系形容唔到，其实我都好钟意自己一个，当然系未认识我老婆之前，多谢你哋，我会珍惜你哋每一位。”最后他俩以一曲《今天等我来》为全晚演唱会画上完美句号。

Ramon和辉智完show后非常感谢“健康•旦”今次对他们两人的信任和支持，也要多谢包括出品人陈淑芬和马荣成、演唱会总监萧潮顺、创作总监郑丹瑞、监制Polly Chung、音乐总监赵增熹、型像指导及服装设计陈华国、舞蹈总监Kato对他们的教导，能够在这个星级团队无私的教导下，完成今次演唱会就如奇迹般，他们所说的每一句话也让他俩一身受用，他俩会紧记从大伙儿身上学到的东西，继续把好音乐带给大家。